Mediante Acordo do 6 de outubro de 2015, publicado no Diario Oficial de Galicia núm. 209, do martes 3 de novembro de 2015, anunciouse a convocatoria para a cobertura dun posto de coordinador/a da Unidade Territorial Sur.

De conformidade co establecido nas bases reguladoras da convocatoria que rexe o proceso de selección convocado, establécese que o tribunal de selección o nomeará o Consello de Administración de Xestión do Solo de Galicia-Xestur, S.A. En virtude do anterior, o Consello de Administración celebrado o 15 de decembro de 2015

ACORDOU:

Nomear o tribunal que deberá cualificar o proceso de selección para a cobertura do posto de coordinador/a da Unidade Territorial Sur, coa composición que se relaciona no anexo.

Santiago de Compostela, 15 de xaneiro de 2016

Heriberto García Porto
Presidente do Consello de Administración de Xestión
do Solo de Galicia-Xestur, S.A.

ANEXO
Tribunal

– Presidente:

Titular: Ángel Rodríguez González, secretario do Consello de Administración de Xestur, S.A., empregado de cadro de persoal da sociedade Xestur, S.A., que desempeña as súas funcións dentro do Departamento Xurídico.

Suplente: Diego Jorreto Díaz, licenciado en Dereito, empregado de cadro de persoal da sociedade Xestur, S.A., que desempeña as súas funcións dentro do Departamento Xurídico.

– Secretario:

Titular: Antonio López López, enxeñeiro de Camiños, Canais e Portos, empregado de cadro de persoal da sociedade Xestur, S.A., que desempeña as súas funcións dentro do Departamento Técnico.

Suplente: José Francisco Enríquez Mosquera, licenciado en Ciencias Económicas e Empresariais, empregado de cadro de persoal da sociedade Xestur, S.A., que desempeña as súas funcións dentro do Departamento de Administración, Comercial e Servizos.

– Vogais:

Titular vogal 1: María del Mar Fernández Currás, licenciada en Ciencias Económicas e Empresariais, empregada de cadro de persoal da sociedade Xestur, S.A., que desempeña as súas funcións dentro do Departamento de Administración, Comercial e Servizos.

Suplente vogal 1: Belén López López, licenciada en Dereito, empregada de cadro de persoal da sociedade Xestur, S.A., que desempeña as súas funcións dentro do Departamento Xurídico.

Titular vogal 2: Jorge Picouto Delgado, licenciado en Dereito, xefe do Servizo de Xestión de Recursos Humanos e de Réxime Interior do Instituto Galego de Vivenda e Solo.

Suplente vogal 2: Beatriz García de Francisco, licenciada en Dereito, xefa do Servizo Técnico-Xurídico do Instituto Galego da Vivenda e Solo.