O Decreto 4/2016, do 21 de xaneiro, dispón que cese, por petición propia, a directora xeral de Proxectos e Fondos Europeos.
En canto non se proceda o nomeamento do novo titular da dirección xeral, cómpre adoptar as medidas oportunas para asegurar o correcto funcionamento deste órgano de dirección e a resolución dos asuntos que se lle encomenden.
Por todo iso, en virtude das atribucións que me confire a Lei 1/1983, do 22 de febreiro, reguladora da Xunta e da súa Presidencia,
DISPOÑO:
Artigo único. O desenvolvemento das accións e o exercicio das competencias da Dirección Xeral de Proxectos e Fondos Europeos quédanlle encomendadas temporalmente e ata que se produza o nomeamento do seu titular ao director xeral de Política Financeira e Tesouro da Consellería de Facenda.
Disposición derradeira
Esta orde terá efectos o mesmo día da súa publicación no Diario Oficial de Galicia.
Santiago de Compostela, 22 de xaneiro de 2016
Valeriano Martínez García
Conselleiro de Facenda