O artigo 11 da Lei 4/2006, do 30 de xuño, de transparencia e de boas prácticas na Administración pública galega (Diario Oficial de Galicia núm. 136, do 14 de xuño) impón a cada consellería da Xunta de Galicia a obriga de publicar no Diario Oficial de Galicia unha relación dos convenios de colaboración subscritos no cuadrimestre anterior.
En consecuencia, e para dar cumprimento a esa obriga,
DISPOÑO:
Artigo único
Darlle publicidade á relación dos convenios subscritos pola Consellería de Infraestruturas e Vivenda no terceiro cuadrimestre do ano 2015, que se incorpora como anexo a esta resolución.
Santiago de Compostela, 12 de xaneiro de 2016
Joaquín Macho Canales
Secretario xeral técnico de la Consellería de Infraestruturas e Vivenda
ANEXO
Convenios de colaboración subscritos pola Consellería de Infraestruturas
e Vivenda no terceiro cuadrimestre de 2015
|
Descrición |
Data da sinatura |
Importe |
|
Contrato-programa entre a Consellería de Infraestruturas e Vivenda e a Empresa Freire, S.L., para a mellora do servizo de transporte ao aeroporto da Lavacolla na área metropolitana de Santiago de Compostela. |
11.12.2015 |
340.000 |
|
Addenda ao convenio de colaboración do 10.4.2008, subscrito entre a antiga Consellería de Política Territorial, Obras Públicas e Transportes e a entidade Caixa Galicia, para mellorar o sistema de pagamentos do transporte metropolitano de Galicia. |
30.11.2015 |
86.854 |
|
Convenio de colaboración entre a Xunta de Galicia e os concellos de Santiago de Compostela e Teo para a coordinación dos servizos de transporte público con orixe ou destino na urbanización dos Tilos. |
14.9.2015 |
0,00 |
|
Contrato-programa entre a Consellería de Infraestruturas e Vivenda e Automóviles Sigrás Carral, S.A., para a prestación dun servizo metropolitano na área de transporte metropolitano da Coruña no concello de Cambre. |
20.11.2015 |
75.662,15 |
|
Contrato-programa entre a Consellería de Infraestruturas e Vivenda e Automóviles Sigrás Carral, S.A., para a prestación dun servizo metropolitano na área de transporte metropolitano da Coruña no concello de Culleredo. |
20.11.2015 |
60.641,49 |
|
Contrato-programa entre a Consellería de Infraestruturas e Vivenda e as empresas Autos Cal Pita, S.A. e Autocares Eliseo Pita, S.A. para a prestación dun servizo metropolitano na área de transporte metropolitano da Coruña no concello de Oleiros. |
30.12.2015 |
60.581,27 |
|
Acordo de prórroga do convenio de colaboración entre a Consellería de Medio Ambiente, Territorio e Infraestruturas e a Universidade da Coruña para a aplicación de descontos a estudantes da Universidade da Coruña no eido do Plan de transporte metropolitano de Galicia para o exercicio 2016. |
18.12.2015 |
0,00 |
|
Addenda ao convenio de colaboración entre a Consellería de Medio Ambiente, Territorio e Infraestruturas da Xunta de Galicia e a entidade pública empresarial Ferrocarriles de Vía Estrecha (Feve), asinado con data 29.9.2011, polo que se instrumenta a integración desta empresa na área de transporte metropolitano de Ferrol. |
18.12.2015 |
38.133,00 |
