Mediante a Resolución do 15 de decembro de 2015, da directora xeral de Recursos Económicos do Servizo Galego de Saúde, renunciouse á celebración do contrato dun servizo de consultoría e análise funcional do modelo de xestión por competencias do Servizo Galego de Saúde no marco do subproxecto IS-10 profesional 3.0., cofinanciado nun 80 % por fondos Feder-Fondo tecnolóxico, eixe 1, tema prioritario 02, dentro do convenio establecido entre o Servizo Galego de Saúde e o Ministerio de Economía e Competitividade. Contratación documentalmente simplificada (expediente AB-SER1-15-038).

En consecuencia, quedan sen efecto todas as actuacións realizadas na tramitación do citado expediente.

O que, de conformidade co disposto no artigo 155 do texto refundido da Lei de contratos do sector público, aprobado mediante o Real decreto lexislativo 3/2011, do 14 de novembro, se fai público para xeral coñecemento.

Santiago de Compostela, 30 de decembro de 2015

Lourdes Vilachán Angueira
Directora xeral de Recursos Económicos