De conformidade co disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común, as notificacións que non se puidesen practicar faranse por medio de anuncio no Boletín Oficial del Estado (BOE), quedando condicionada á súa publicación no taboleiro de edictos único (TEU) do BOE.
Intentouse a notificación por correo certificado aos titulares das empresas citadas no anexo, sen que fose posible, polo que se lles notifica por medio deste anuncio a resolución ditada nos correspondentes expedientes sancionadores.
Sen prexuízo do anterior e en virtude do disposto no artigo 59.5 da Lei 30/1992, do 26 de novembro, este anuncio publícase no Diario Oficial de Galicia.
Os interesados dispoñen do prazo dun mes, contado a partir do día segunte ao da súa publicación no Boletín Oficial del Estado, para interpor recurso de alzada ante a Secretaría Xeral de Emprego, Consellería de Economía, Emprego e Industria, así como para comprobar o contido íntegro do expediente nas dependencias da Xefatura Territorial da Coruña, rúa Salvador de Madariaga, 9, 1º, da Coruña, das 9.00 ás 14.00 horas, de luns a venres.
Advírteselles que, de non interpor recurso en tempo e forma, deberán aboar a sanción, utilizando necesariamente o documento de pagamento que poderán solicitar nesta xefatura territorial, nos seguintes prazos:
– Sancións notificadas antes do día 15 de cada mes, aboaranse antes do 29 do mes seguinte ao da notificación.
– Sancións notificadas logo do día 15 de cada mes, aboaranse antes do 5 do segundo mes seguinte á notificación.
De non facelo así, procederase á exacción pola vía executiva, nos termos previstos na Orde da Consellería de Economía e Facenda do 23 de novembro de 2001 (DOG do 5 de decembro).
A Coruña, 17 de decembro de 2015
Isidoro Martínez Arca
Xefe territorial da Coruña
ANEXO
1. Expediente: RL 2015/213-1.
Acta inf.: I152015000039003.
Empresa: Abeiradaría, S.L.
NIF: B70403001.
Concello: Perillo, Oleiros (A Coruña).
Materia: relacións laborais.
Data de resolución: 9 de setembro de 2015.
2. Expediente: RL 2015/195-1.
Acta inf.: I152015000025158.
Empresa: Audama Servicios de Hostelería, S.L.L.
NIF: B70426325.
Concello: Santiago de Compostela (A Coruña).
Materia: seguridade e hixiene.
Data de resolución: 12 de agosto de 2015.
