Por Resolución da Axencia Galega de Infraestruturas do 16 de outubro de 2012 aprobouse o proxecto de construción da mellora do trazado na AC-133, treito: p.q. 9+600 ao 10+000, de clave: AC/12/095.06.

Este proxecto de construción ten por obxecto a mellora do trazado da estrada AC-133, entre o p.q. 9+600 e o 10+000, no termo municipal de Mugardos, coa finalidade de aumentar a seguridade, eficacia e comodidade da circulación na vía proxectada, así como ordenar e regular o tráfico rodado.

As actuacións incluídas no presente proxecto consisten na ampliación dos raios de dúas curvas sucesivas situadas no p.q. 9+820 e no p.q. 9+870, modificando o trazado actual da estrada AC-133 nunha lonxitude de 177 metros.

Considerando todo o exposto e o establecido na normativa vixente,

RESOLVO:

Primeiro. De acordo co establecido no artigo 21.1 da Lei 8/2013, do 28 de xuño, de estradas de Galicia, o mencionado proxecto de construción sométese ao trámite de información pública, durante un período de trinta días hábiles, contados a partir do seguinte ao da publicación deste anuncio no Diario Oficial de Galicia, para que as persoas que o consideren oportuno poidan formular por escrito, ante a Axencia Galega de Infraestruturas, as observacións que crean convenientes relativas á concepción global do trazado da estrada.

Segundo. Que, simultaneamente ao trámite sinalado no parágrafo anterior para os efectos previstos no artigo 56.1 do Regulamento de expropiación forzosa, se someta a información pública a relación individual de bens, dereitos e propietarios afectados pola realización da obra correspondente, para que os afectados presenten cantas alegacións ou rectificacións consideren convenientes en canto aos bens e dereitos descritos na relación anexa.

Terceiro. A exposición ao público, para os efectos da presente resolución, realízase na Axencia Galega de Infraestruturas (San Caetano, s/n, 15781 Santiago de Compostela), no Servizo de Infraestruturas da Coruña (r/ Vicente Ferrer, 2, 15008 A Coruña) e na Casa do Concello de Mugardos (avenida de Galicia, 45, 15620 Mugardos), así mesmo, na páxina web da Consellería de Infraestruturas e Vivenda (http://www.cmati.xunta.es/tema/c/Infraestruturas_Estradas) atópase á disposición dos interesados o documento completo do proxecto de construción.

Santiago de Compostela, 18 de decembro de 2015

Francisco Menéndez Iglesias
Director da Axencia Galega de Infraestruturas

ANEXO
Relacion de bens, dereitos e propietarios afectados

Proxecto de construción de mellora do trazado na estrada AC-133, p.q. 9+600 ao 10+000

Clave: AC/12/095.06

Concello de Mugardos

Nº predio	Referencia catastral	Apelidos e nome	Tipo de terreo	Tipo de solo	Área afectada (m2)
1	1222701NJ6112S0001MU	Arcebispado de Santiago de Compostela	Urbano	Solo sen clasificar, obras de urbanización e xardinaría	173,49
2	1222702NJ6112S0001OU	Saavedra Vilar, Juan	Urbano	Solo sen clasificar, obras de urbanización e xardinaría	474,66
3	1222703NJ6112S0001KU	Cortizas S/S, Aurora	Urbano	Solo sen clasificar, obras de urbanización e xardinaría	849,79
4	1222704NJ6112S0001RU	García Fernández, Carmen	Urbano	Solo sen clasificar, obras de urbanización e xardinaría	372,63
5	1222705NJ6112S0001DU	García Sardina, Josefa	Urbano	Solo sen clasificar, obras de urbanización e xardinaría	95,34