De conformidade co disposto na disposición adicional segunda da Lei 9/2002, do 30 de decembro, modificada pola Lei 15/2004, do 20 de decembro, de ordenación urbanística e protección do medio rural de Galicia, exponse á información pública o expediente de delimitación do ámbito do núcleo rural de Campo Grande, na parroquia de Morgadáns deste termo municipal, subscrito polo arquitecto municipal José Antonio Álvarez Álvarez e incoado por petición do concelleiro de Urbanismo no mes de setembro de 2015.

O expediente sométese á información pública polo prazo dun mes, contado a partir da publicación deste anuncio no Diario Oficial de Galicia, durante o cal se poderá examinar no Negociado de Urbanismo do Departamento Municipal de Urbanismo, en horario de oficina, e formular as alegacións e observacións que se consideren procedentes.

Gondomar, 11 de decembro de 2015

P.D. (Resolución da Alcaldía do 16.9.2015)
Xosé Antonio Araúxo Quintas
Concelleiro de Urbanismo, Patrimonio e Dereito á Vivenda