Para os efectos previstos na Lei 24/2013, do 26 de decembro, e no artigo 125 do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización da instalación eléctrica que se describe:
Solicitante: Unión Fenosa Distribución, S.A.
Domicilio social: A Batundeira, 2, 32960 Velle.
Denominación: reforma LMT XIN805, XIN809 e XIN812.
Situación: Xinzo de Limia.
Características técnicas:
• Reforma LMT DC2, XIN805 e XIN812. Liña eléctrica aerosubterránea a 20 kV, de 258 m en subterráneo condutor RHZ1, e 64 m en aéreo, condutor LA 110/116 mm², con orixe no CT 32CI89-CCL-Xinzo e remate do tramo soterrado en poste proxectado de chapa CH-7000-16 con PAS, e do treito en aéreo no apoio existente CH-1000-13P (cruzamento río).
• Reforma LMT XIN809. Liña eléctrica aerosubterránea a 20 kV, de 260 m en subterráneo, condutor RHZ1, e 74 m en aéreo, condutor LA 110/116,2 mm² e, con orixe no CT 32CI89-CCL-Xinzo e remate do tramo soterrado en poste proxectado C-4500-14 con PAS, e do treito en aéreo en apoio de celosía existente (cruzamento río).
Orzamento: 84.486,28 euros.
Todas aquelas persoas ou entidades que se consideren afectadas poderán presentar as súas alegacións nesta xefatura territorial, Curros Enríquez, 1-4º, no prazo de vinte días. Así mesmo, e durante o mencionado prazo, tamén se poderá examinar o proxecto da instalación.
Ourense, 30 de novembro de 2015
Alfonso Tomás Paz Doniz
Xefe territorial de Ourense