Aprobada inicialmente a modificación puntual número 1 do Plan parcial de solo industrial en Amoedo (SAU I), por resolución da Alcaldía do 12 de novembro de 2015, de conformidade co artigo 86.1.a) da Lei 9/2002, do 30 de decembro, de ordenación urbanística e protección do medio rural de Galicia, sométese a información pública durante o prazo de dous meses contados desde o día seguinte ao da súa publicación no Diario Oficial de Galicia.

Durante o dito prazo, poderá ser examinado por calquera interesado/a nas dependencias municipais, para que se formulen as alegacións que se consideren pertinentes ou obter copias.

Quedan suspendidas as licenzas naqueles ámbitos do territorio cuxas novas determinacións supoñan modificación da ordenación urbanística vixente.

Pazos de Borbén, 13 de novembro de 2015

Andrés Iglesias Rodríguez
Alcalde