Nas dependencias municipais do Concello de Arteixo asinouse o 9 de novembro de 2015 con Florencio López Souto o texto inicial do convenio urbanístico de execución de planeamento para a obtención de terreos para a realización da obra incluída no POS-2011 denominada beirarrúas enlace avda. Arsenio Iglesias, avda. Caión (expte. 2015/003.CONV).
De acordo co establecido polo artigo 237.1 da Lei 9/2002, do 30 de decembro, de ordenación urbanística e protección do medio rural de Galicia, sométese o texto do convenio ao trámite de información pública por un período de vinte días mediante publicación no Diario Oficial de Galicia e nun dos xornais de maior difusión na provincia.
Durante o devandito prazo, as persoas interesadas poderán examinar o seu contido no Departamento de Urbanismo do Concello de Arteixo de luns a venres, das 9.00 ás 14.00 horas, e nas dependencias do Rexistro Xeral os sábados das 9.30 ás 13.30 horas, e presentar alegacións se o xulgan oportuno.
Arteixo, 10 de novembro de 2015
P.D. (Decreto 1336, do 6.7.2015)
Luís Alberto Castro Calvete
Concelleiro do Departamento de Urbanismo e Medio Ambiente