Por Resolución da Alcaldía do Concello de Tomiño, do día 13 de novembro de 2015, acordouse a aprobación inicial do Plan especial de protección do predio Altos de Torona, na parroquia de Tomiño. O acordo citado estableceu abrir un trámite de información pública polo prazo dun mes mediante a publicación deste anuncio no DOG e en dous xornais dos de maior circulación na provincia. O prazo computarase desde a publicación no Diario Oficial de Galicia e durante este poderá ser examinado por calquera persoa interesada, nas dependencias municipais, para formular, de ser o caso, as alegacións pertinentes.
Así mesmo, quedan suspendidas as licenzas no ámbito afectado e definido no plan especial, no que resulte incompatible coa nova ordenación.
Tomiño, 16 de novembro de 2015
Sandra González Álvarez
Alcaldesa