No Xulgado do Contencioso-Administrativo número 1 de Ourense tramítase o recurso 293/2015 (procedemento abreviado), interposto por María del Carmen Vázquez González fronte á Resolución da directora xeral de Recursos Humanos do Servizo Galego de Saúde, do 13 de xullo de 2015, que desestima o recurso potestativo de reposición interposto fronte á Resolución do 7 de maio de 2015 (DOG núm. 92, do 19 de maio) da Dirección Xeral de Recursos Humanos do Servizo Galego de Saúde pola que se publica a orde de prelación e puntuación definitiva obtidas polas persoas aspirantes admitidas no proceso de actualización das listas de selección temporal de diversas categorías sanitarias (categoría: médico de familia).

A recorrente discrepa da puntuación obtida na epígrafe de experiencia profesional.

O que se notifica para xeral coñecemento de todas as persoas interesadas no procedemento, que son emprazadas para que poidan comparecer no xulgado como demandadas no prazo de nove días, de conformidade co previsto no artigo 49 da Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 16 de novembro de 2015

Margarita Prado Vaamonde
Directora xeral de Recursos Humanos