O director xeral da Academia Galega de Seguridade Pública ditou resolución pola que se aproba a inscrición no Rexistro Profesional de Socorristas Acuáticos de Galicia dos/das interesados/as que se indican no anexo.
Logo de tentar dúas veces a notificación das citadas resolucións a través do servizo de Correos no domicilio indicado polos/as interesados/as para os efectos de notificación, esta non se puido practicar, e foron devoltas polo dito servizo por «non retirado» tras os dous intentos en que consta «ausente repartición».
Polo exposto, esta dirección xeral, en cumprimento do disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común, en virtude do presente anuncio, notifícalles aos/ás interesados/as que se indican no anexo a resolución antes referida.
Os/as interesados/as poden recoller a notificación da resolución mediante comparecencia nas dependencias da Academia Galega de Seguridade Pública (rúa da Cultura, s/n, A Estrada, Pontevedra), no prazo de dez (10) días contados a partir do seguinte ao da publicación deste anuncio no Boletín Oficial del Estado, das 9.00 ás 14.00 horas, de luns a venres.
Contra a referida resolución, que non lle pon fin á vía administrativa, poderán interpoñer os interesados, no prazo dun mes contado a partir do día seguinte ao da súa comparecencia para recoller a resolución, ou ao do transcurso do prazo previsto no parágrafo anterior sen que os/as interesados/as comparezan, un recurso de alzada ante o conselleiro de Presidencia, Administracións Públicas e Xustiza, conforme as previsións da Lei 30/1992, do 26 de novembro, de réxime xurídico das administracións públicas e do procedemento administrativo común (BOE núm. 285, do 27 de novembro), modificada pola Lei 4/1999, do 13 de xaneiro (BOE núm. 16, do 19 de xaneiro, e BOE núm. 30, do 4 de febreiro).
A Estrada, 18 de novembro de 2015
Luis Menor Pérez
Director xeral da Academia Galega de Seguridade Pública
ANEXO
Solicitante: Alejandro Barreiro González.
Acto notificado: aprobación da inscrición no Rexistro Profesional de Socorristas Acuáticos de Galicia.
Solicitante: Gustavo Ramón Doncel García.
Acto notificado: aprobación da inscrición no Rexistro Profesional de Socorristas Acuáticos de Galicia.
Solicitante: Iago Rioseco Manso.
Acto notificado: aprobación da inscrición no Rexistro Profesional de Socorristas Acuáticos de Galicia.
Solicitante: Francisco Luis Rodriguez Trigo.
Acto notificado: aprobación da inscrición no Rexistro Profesional de Socorristas Acuáticos de Galicia.
