De conformidade co previsto no artigo 8.4 da Lei 16/2010, do 17 de decembro, de organización e funcionamento da Administración xeral e do sector público autonómico de Galicia, dáse publicidade da encomenda de xestión da Secretaría Xeral de Medios á sociedade Redes de Telecomunicación Galegas Retegal, S.A. para o ano 2015, coas seguintes características:
– Actividade: programa de investimentos necesarios para a xestión do equipamento electrónico e mellora da rede de titularidade pública autonómica de difusión da televisión dixital en 2015.
– Natureza e alcance da xestión encomendada: esta encomenda ten natureza intrasubxectiva ao ter a sociedade Redes de Telecomunicación Galegas Retegal, S.A. a consideración de medio propio instrumental e servizo técnico da Administración da Xunta de Galicia, de acordo co establecido no Decreto 352/2009, do 2 de xullo (DOG núm. 140, do 20 de xullo).
– Prazo de vixencia: ata o 31 de decembro de 2015.
Santiago de Compostela, 17 de novembro de 2015
Mar Sánchez Sierra
Secretaria xeral de Medios