O Concello do Rosal acordou a aprobación inicial do Plan especial de protección do núcleo do Calvario na sesión plenaria levada a cabo o pasado 26 de setembro de 2015.

O acordo citado estableceu abrir un trámite de información pública polo prazo de dous meses mediante a publicación deste anuncio no DOG e en dous xornais dos de maior circulación na provincia. O prazo computarase desde a publicación no Diario Oficial de Galicia e durante este poderá ser examinado por calquera persoa interesada nas dependencias municipais para formular, de ser o caso, as alegacións pertinentes.

Así mesmo, quedan suspendidas as licenzas no ámbito afectado e definido no Plan especial, en que resulte incompatible coa nova ordenación.

O Rosal, 20 de outubro de 2015

Jesús Mª Fernández Portela
Alcalde