Descargar PDF Galego | Castellano| Português

DOG - Xunta de Galicia -

Diario Oficial de Galicia
DOG Núm. 211 Xoves, 5 de novembro de 2015 Páx. 42308

II. Autoridades e persoal

b) Nomeamentos

Consellería do Mar

ORDE do 26 de outubro de 2015 pola que se dispón o nomeamento dun vogal do Consello de Administración da Autoridade Portuaria de Vilagarcía de Arousa.

O texto refundido da Lei de portos do Estado e da mariña mercante, Real decreto lexislativo 2/2011, do 5 de setembro, no seu artigo 30, atribúelles ás comunidades autónomas as facultades de designación e separación dos vogais dos consellos de administración das autoridades portuarias de interese do Estado situadas no seu territorio, que deberán facerse necesariamente por proposta das administracións públicas e organismos e entidades que aqueles representen.

O Acordo do Consello da Xunta de Galicia do 16 de setembro de 2010 faculta a persoa titular da consellería competente en materia de portos para o exercicio das ditas competencias.

Polo exposto, en exercicio da facultade atribuída, por proposta da Federación Galega de Confrarías de Pescadores,

DISPOÑO:

O nomeamento de Tomás Fajardo da Costa como vogal no Consello de Administración da Autoridade Portuaria de Vilagarcía de Arousa, en representación do sector pesqueiro.

Santiago de Compostela, 26 de outubro de 2015

Rosa María Quintana Carballo
Conselleira do Mar