No número 1.c.6 da Resolución do 1 de outubro de 2015, da entidade pública Portos de Galicia, publicada no Diario Oficial de Galicia número 195, do 13 de outubro de 2015, pola que se anuncia a licitación, mediante procedemento aberto e sistema multicriterio, tramitación ordinaria e documentalmente simplificada, do contrato do servizo auxiliar para o manexo da comporta da dársena interior de Malpica e dos guindastres do porto de Malpica e Caión, así como o mantemento da comporta da dársena de Malpica e dos guindastres de Malpica, Caión e Barizo, non suxeito a regulación harmonizada, disponse que o prego tipo de cláusulas administrativas particulares (PCAP), o de prescricións técnicas particulares (PPT) e o cadro de características do contrato (CCC) poderanse obter no seguinte enderezo da internet: http://www.contratosdegalicia.es/resultado.jsp?N=23408

Advertidos erros no contido do PPT e do CCC que rexerán a referida licitación, cómpre efectuar as seguintes modificacións nos devanditos documentos:

– No número 4.1 do CCC, onde di: «Mantemento dos guindastres de 15 t e 5 t do porto de Malpica», debe dicir: «Mantemento dos guindastres de 15 t e 10 t do porto de Malpica».

– Na cláusula 1 do PPT, onde di: «Mantemento dos guindastres de 15 t e 5 t do porto de Malpica», debe dicir: «Mantemento dos guindastres de 15 t e 10 t do porto de Malpica».

– Na cláusula 2.4.2 do PPT, onde di: «Guindastres (15 t de Malpica, 10 t de Caión, 5 t de Malpica e 5 t Barizo», debe dicir: «Guindastres (15 t de Malpica, 10 t de Caión, 10 t de Malpica e 5 Tn Barizo».

– No número 5.2 do CCC, relativo ás melloras, onde di: «Guindastre de San Pedro de Visma. Guindastre de Razo. Guindastre de Suevos», debe dicir: «Guindastre de Razo. Guindastre de Suevos».

– No número 14.1.B/4 do CCC, relativo á valoración das melloras, onde di: «Mantemento guindastre San Pedro de Visma: 1 punto. Mantemento guindastre Razo: 1 punto. Mantemento guindastre Suevos: 1 punto», debe dicir: «Mantemento guindastre Razo: 1,5 puntos. Mantemento guindastre Suevos: 1,5 puntos».

– No número 12.2.A) do CCC, relativo ao contido do sobre B (documentación da oferta técnica), onde di: «A) Programa de desenvolvemento dos traballos (...) Neste plan deberanse indicar actuacións, persoal implicado, medios materiais necesarios, periodicidade e custo aproximado», debe dicir: «A) Programa de desenvolvemento dos traballos (...) Neste plan deberanse indicar actuacións, persoal implicado, medios materiais necesarios e periodicidade».

– Obtención de información e da documentación corrixida:

1º. Entidade: División de Contratación de Portos de Galicia. Teléfono: 981 95 70 25

2º. Enderezo na internet: http://www.contratosdegalicia.es/resultado.jsp?N=23408

– Prazo de presentación de proposicións:

Á vista do anterior, ábrese un novo prazo de presentación de ofertas para participar na licitación convocada para adxudicar o contrato de servizos de referencia, que rematará ás catorce (14.00) horas do décimo quinto (15º) día natural seguinte ao da publicación deste anuncio no Diario Oficial de Galicia. No caso de que ese día coincida en sábado ou festivo, o prazo rematará o primeiro día hábil seguinte.

– Data de apertura de ofertas: a apertura pública das ofertas técnicas (sobre B) levarase a cabo nun prazo non superior a sete (7) días contados desde a apertura da documentación administrativa do sobre A. No caso de que ese día coincida en sábado ou festivo, a apertura realizarase o primeiro día hábil seguinte.

Santiago de Compostela, 26 de outubro de 2015

José Juan Durán Hermida
Presidente de Portos de Galicia