DOG 206 do 28/10/2015 - CORRECCIÓN de erros. Orde do 16 de outubro de 2015 pola que se incrementa a dotación orzamentaria da Orde do 10 de marzo de 2015 pola que se regula a aplicación dos pagamentos directos á agricultura e á gandaría e das axudas ao desenvolvemento rural suxeitas ao sistema integrado de xestión e control.

III. Outras disposicións

Consellería do Medio Rural

CORRECCIÓN de erros. Orde do 16 de outubro de 2015 pola que se incrementa a dotación orzamentaria da Orde do 10 de marzo de 2015 pola que se regula a aplicación dos pagamentos directos á agricultura e á gandaría e das axudas ao desenvolvemento rural suxeitas ao sistema integrado de xestión e control.

Advertidos erros na devandita orde publicada no Diario Oficial de Galicia nº 203, do venres 23 de outubro de 2015, nas páxinas 41048 e 41049, cómpre facer as seguintes modificacións:

Un: o primeiro parágrafo do artigo único queda redactado do xeito seguinte:

«1. A dotación orzamentaria prevista para as axudas especificadas no título II da Orde do 10 de marzo de 2015 (DOG nº 48, do 11 de marzo), conforme a disposición adicional primeira, parágrafo 1, alínea b) da dita orde, increméntase no importe de 8.102.758,00 euros, e con cargo á aplicación 12.80.713F.779.1, primas gandeiras, dos orzamentos da Comunidade Autónoma de Galicia para 2015, polo que o importe total para as axudas desta alínea e desta aplicación orzamentaria, despois deste incremento é de 50.756.868,00 euros».

Dos: elimínase a disposición derradeira única.