DOG 200 do 20/10/2015 - ANUNCIO do 28 de setembro de 2015, da Xefatura Territorial da Coruña, polo que se notifican acordos de procedencia de reintegro de varias axudas do Programa de fomento da contratación indefinida inicial, reguladas na Orde do 21 de marzo de 2011 (Diario Oficial de Galicia número 61, do 28 de marzo), relativo ao expediente TR348A 2011/30-1 e catorce máis.

VI. Anuncios

a) Administración autonómica

Consellería de Traballo e Benestar

ANUNCIO do 28 de setembro de 2015, da Xefatura Territorial da Coruña, polo que se notifican acordos de procedencia de reintegro de varias axudas do Programa de fomento da contratación indefinida inicial, reguladas na Orde do 21 de marzo de 2011 (Diario Oficial de Galicia número 61, do 28 de marzo), relativo ao expediente TR348A 2011/30-1 e catorce máis.

En virtude do disposto nos artigos 59.5 e 61 da Lei 30/1992, do 26 de novembro, de réxime xurídico das administracións públicas e do procedemento administrativo común, e no uso da competencia atribuída á Xefatura Territorial da Consellería de Traballo e Benestar da Coruña, intentada a notificación sen que esta se puidese practicar, notifícaselles ás interesadas o contido das resolucións que figuran como anexo, para que poidan ter coñecemento del.

Estas resolucións poñen fin á vía administrativa e contra elas os interesados poden interpoñer recurso contencioso-administrativo, no prazo de dous meses, que comezará a contar a partir do día seguinte ao da publicación deste anuncio no Boletín Oficial del Estado, ante o órgano competente da xurisdición contencioso-administrativa. Así mesmo, con anterioridade e con carácter potestativo, poderán interpoñer recurso de reposición no prazo dun mes, que comezará a contar a partir do día seguinte ao desta publicación, perante esta xefatura territorial. Todo isto de conformidade co establecido na Lei 29/1998, do 13 de xullo, reguladora da xurisdición contencioso-administrativa, e na Lei 30/1992, do 26 de novembro, de réxime xurídico das administracións públicas e do procedemento administrativo común.

Lémbraselles tamén o seu dereito a consultar o expediente, depositado nas dependencias da Xefatura Territorial da Consellería de Traballo e Benestar da Coruña (avenida de Salvador de Madariaga, nº 9, 1º andar), para teren coñecemento do contido daquel, no prazo dun mes, que comezará a contar a partir do día seguinte ao da publicación deste anuncio no Boletín Oficial del Estado, advertíndolles que, de non se facer así, se terán por notificadas cos efectos que correspondan.

A Coruña, 28 de setembro de 2015

Mª Pilar Caridad Alonso
Xefa territorial da Coruña

ANEXO

Número de expediente: TR348A 2011/30-1.

Nome ou razón social: José Manuel Furelos Rama.

Último enderezo coñecido: avenida Vilachán, 37, 15830 Negreira, A Coruña.

Orde de convocatoria: Orde do 21 de marzo de 2011 (Diario Oficial de Galicia número 61, do 28 de marzo) pola que se establecen as bases reguladoras do programa de incentivos á contratación das persoas traballadoras.

Feitos imputados: non manter no seu cadro de persoal fixo as persoas traballadoras contratadas ao abeiro deste programa durante un período mínimo de tres (3) anos. Non presentar a documentación a que fai referencia a base sétima, punto 3, do anexo A da orde de convocatoria.

Preceptos infrinxidos: base sétima puntos 1 e 3 do anexo A da orde de convocatoria.