Para os efectos previstos na Lei 24/2013, do 26 de decembro (BOE núm. 310), e no artigo 125 do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización da instalación eléctrica que se describe:
Solicitante: Aguas de las Cuencas de España, Acuaes.
Domicilio social: Agustín de Betancourt, 25, 4º andar, 28003 Madrid.
Denominación: proxecto de CS e CT de 160 kVA para tanque tormentas Montón.
Situación: Montón, Ferrol.
Características técnicas: nova cela de liña (CGMCOSMOS-L, interruptor-seccionador) en centro de seccionamento 15SN22 –propiedade Unión Fenosa Distribución– existente.
Liña RHZ1-OL 12/20 kV, de sección 1×240 mm2, de 250 m, entre CS 15SN22 e CT de abonado.
Cela de liña (CGMCOSMOS-L, interruptor-seccionador) en CT de abonado.
Cela de proteción (CGMCOSMOS-V, con interruptor automático) no CT de abonado.
Cela de medida (CGMCOSMOS-M) no CT de abonado.
Liña RHZ1-OL 12/20 kV, de sección 1×95 mm2, de 5 m, entre cela de medida e transformador de abonado.
Transformador trifásico de tensión, de 160 kVA de potencia e refrixeración natural. Tensión primaria 15 kV e secundaria 420 V. Grupo de conexión Dyn11.
Todas aquelas persoas ou entidades que se consideren afectadas poderán examinar o proxecto e/ou presentar as súas alegacións neste xefatura territorial, situada no Edificio Administrativo Monelos, rúa Vicente Ferrer, 2, 1º andar, 15071 A Coruña, no prazo de vinte días, contados a partir do día seguinte á publicación, artigos 48 e 86 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro.
A Coruña, 7 de outubro de 2015
Isidoro Martínez Arca
Xefe territorial da Coruña