Conforme o establecido na base sexta punto 1 da Orde do 27 de abril de 2015 pola que se aproban as bases reguladoras para a convocatoria de oito bolsas de formación de persoal experto en cooperación internacional para o desenvolvemento, publicarase no Diario Oficial de Galicia a resolución de concesión.

Na súa virtude,

RESOLVO:

Primeiro. Concederlles as bolsas convocadas ao abeiro da Orde do 27 de abril de 2015, da Vicepresidencia e Consellería de Presidencia, Administracións Públicas e Xustiza, pola que se aproban as bases reguladoras para a convocatoria de oito bolsas de formación de persoal experto en cooperación internacional para o desenvolvemento, ás persoas candidatas relacionadas no anexo I.

Segundo. Establecer a listaxe de reserva, por orde de prelación, que se indica no anexo II desta resolución, para o caso de renuncia dalgunha das bolsas concedidas.

Terceiro. Denegar o resto das solictudes presentadas.

Contra esta resolución, que pon fin á vía administrativa, cabe interpor recurso postestativo de reposición ante o órgano que a ditou, no prazo dun mes contado desde o día seguinte ao da súa publicación no Diario Oficial de Galicia, ou ben directamente recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, no prazo de dous meses que se contarán desde a mesma data. En todo caso, non se poderá interpor recurso contencioso-administrativo ata que sexa resolto expresamente ou se produza o rexeitamento presunto do recurso de reposición.

Santiago de Compostela, 26 de agosto de 2015

Jesús Gamallo Aller
Director xeral de Relacións Exteriores e coa Unión Europea

ANEXO I

Persoas adxudicatarias

ANEXO II

Lista de reserva