De conformidade co disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común (LRXPAC), modificado polo artigo 25 da Lei 15/2014, do 16 de setembro, de racionalización do sector público e outras medidas de reforma administrativa, e dado que non foi posible practicar a notificación,
DISPOÑO:
1. Notificar mediante a presente cédula a María Antonia Azpilicueta Zon o Acordo do Xurado de Expropiación de Galicia do 7 de maio de 2015 que fixa o prezo xusto do predio nº baixo esquerda, sito na Coruña, relativo ao proxecto 01409, expediente 2014/000528, cuxos datos se relacionan no anexo.
2. Contra esta resolución, que esgota a vía administrativa, a persoa interesada poderá interpoñer recurso potestativo de reposición, ante o mesmo órgano que a ditou, no prazo dun mes contado desde o día seguinte ao da súa notificación ou publicación no taboleiro de edictos único (TEU) do Boletín Oficial del Estado (BOE), de acordo co previsto nos artigos 116 e 117 da LRXPAC. A persoa interesada poderá tamén interpoñer directamente recurso contencioso-administrativo, ante a Sala do Contencioso-Administrativo do Tribunal Superior de Xustiza de Galicia, no prazo de dous meses contados desde o día seguinte ao da súa notificación ou publicación no TEU do BOE, de conformidade cos artigos 10.1.i), 14.1 e 46 da Lei 29/1998, do 13 de xullo, reguladora da xurisdición contencioso-administrativa. A interposición do recurso potestativo de reposición impide a interposición simultánea do recurso contencioso-administrativo, que non poderá interpoñerse ata que sexa resolto o recurso de reposición ou se entenda presuntamente desestimado. O texto íntegro do acordo referido na presente cédula está á disposición da interesada nas dependencias do Xurado de Expropiación de Galicia, con enderezo no Edificio Administrativo San Lázaro, s/n, de Santiago de Compostela, 15703.
3. De conformidade co citado artigo 25 da Lei 15/2014, a eficacia desta notificación queda supeditada á súa publicación no TEU do BOE.
4. En consecuencia, para que conste e lle sirva de notificación á persoa expropiada, expido e asino esta cédula.
Santiago de Compostela, 11 de setembro de 2015
Juan Carlos Argüello Fernández
Presidente do Xurado de Expropiación de Galicia
ANEXO
Proxecto para o cal se expropia: 01409 expropiación parcial na rúa Gil Vicente 13. Tm A Coruña.
Nº de expediente: 2014/000528.
Persoa que se notifica: María Antonia Azpilicueta Zon.
Expropiante: Concello da Coruña (Servizo de Vivenda e Rehabilitación).
Expropiada: María Antonia Azpilicueta Zon e outros.
Beneficiaria: Comunidade de Veciños Gil Vicente nº 13.
Predio: baixo esquerda.
Concello: A Coruña.
Provincia: A Coruña.
Valoración resolución do xurado: 3.150,00 €.