Ao abeiro do establecido na Lei 16/1987, do 30 de xullo, de ordenación dos transportes terrestres, e no seu regulamento de execución, aprobado polo Real decreto 1211/1990, do 28 de setembro, iniciouse, por instancia da Administración, o expediente de ampliación de tráficos (Novo Hospital de Vigo en Beade) do contrato de servizo público regular permanente de uso xeral de transporte de viaxeiros por estrada V-7023; XG-397, Pontevedra-Cangas-Bueu-Pontevedra-Vilagarcía de Arousa, con anexos, de Transportes La Unión, S.A.

Os interesados ou afectados no expediente poderán comparecer no procedemento e, tras o exame da documentación pertinente no Servizo de Mobilidade de Pontevedra (Edificio Administrativo da Xunta de Galicia, avda. Fernández Ladreda, nº 43, 1º andar), efectuar as alegacións que consideren oportunas no prazo de sete días, que se contará a partir do día seguinte ao da publicación deste anuncio no Diario Oficial de Galicia.

Dentro dese mesmo prazo poderase acceder á documentación en soporte electrónico mediante a súa solicitude no enderezo: mobilidade.pontevedra@xunta.es .

Pontevedra, 9 de setembro de 2015

José Jorge Martínez Fernández
Xefe do Servizo de Mobilidade de Pontevedra