O director da Axencia de Protección da Legalidade Urbanística ditou, o 7 de xullo de 2015, unha resolución pola que se lles impón unha terceira multa coercitiva derivada do expediente de reposición da legalidade urbanística IU2/31/2011 a Julia Rodríguez Calviño e Bernardino Cordeiro Barreiro como consecuencia de incumpriren o ordenado na Resolución do 7 de marzo de 2012 que ordenaba a demolición dunha vivenda unifamiliar illada, composta por planta semisoto, baixa e baixo cuberta de 75 m2 de superficie en planta e dúas edificacións auxiliares, unha de 20 m2 de superficie acaroada aos lindeiros lateral e posterior do predio e outra de 4 m2 acaroada á fachada principal da parcela, promovidas polos interesados no lugar da Rúa Nova, parroquia de Marín (San Xián), no termo municipal de Marín, provincia de Pontevedra.
Ao non poderse realizar a notificación persoal daquela resolución, mediante esta cédula, e ao abeiro do disposto no artigo 59.5º da Lei 30/1992, de réxime xurídico das administracións públicas e do procedemento administrativo común (LRXPAC), notifícaselles aos interesados a dita resolución por medio dun anuncio publicado no Boletín Oficial del Estado.
Tendo en conta que, en atención ao previsto no artigo 61 da LRXPAC, o acto non se publica na súa integridade, fáiselles saber aos interesados que o texto íntegro da resolución que se lles notifica se encontra ao seu dispor nas dependencias da Axencia de Protección da Legalidade Urbanística, sitas no Edificio Witland, 1º andar, Salgueiriños, en Santiago de Compostela, para a súa consulta no prazo de dez (10) días hábiles, que se contarán desde o día seguinte ao da publicación desta cédula no Boletín Oficial del Estado. Transcorrido o dito prazo, a notificación entenderase producida.
Contra esta resolución, que pon fin á vía administrativa, os interesados poderán interpoñer recurso de reposición no prazo dun mes, contado a partir do día seguinte a aquel en que se producise a notificación, ante o director da Axencia de Protección da Legalidade Urbanística, significándolles que o recurso unicamente será admisible por motivos de infracción do ordenamento inherentes á imposición desta multa coercitiva, e que será motivo de inadmisión a reiteración das mesmas razóns que se esgrimiron ou puideron esgrimirse fronte á resolución da cal este acordo é un mero acto de execución.
No caso de non exerceren o seu dereito a presentar recurso potestativo de reposición, poden interpoñer directamente recurso contencioso-administrativo, no prazo de dous meses, ante o xulgado do contencioso-administrativo en cuxa circunscrición se sitúe o inmoble afectado, conforme o disposto no artigo 14.1º, regra terceira, da Lei 29/1998, reguladora da xurisdición contencioso-administrativa.
Para que conste e lles sirva de notificación aos citados interesados, en cumprimento do disposto no artigo 59.5º da LRXPAC, expido e asino esta cédula.
Santiago de Compostela, 24 de agosto de 2015
José Antonio Cerdeira Pérez
Director da Axencia de Protección da Legalidade Urbanística