Para os efectos previstos na Lei 24/2013, do 26 de decembro (BOE núm. 310), e no artigo 125 do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización da instalación eléctrica que se describe:
Solicitante: Mercadona, S.A.
Domicilio social: avenida de Madrid, 108, 36214 Vigo.
Denominación: LMT, CS e CT de 630 kVA para supermercado no CC Coruña The Styles Outlets.
Situación: avenida de Alvedro, s/n. Estrada N-550, p.q. 9600 Culleredo.
Características técnicas: liña de media tensión soterrada, con inicio na liña existente SMC702 entre o CT 15CHFS e o CT 15CEQ7, condutor RHZ1 12/20 kV 3×(1×240 mm2) Al, lonxitude 73+73, e remate no centro de seccionamento proxectado.
Centro de seccionamento en edificio non prefabricado compartido co de centro de transformación. Celas prefabricadas de entrada, saída e derivación con interruptores-seccionadores (24 kV, 400A, 16 kV).
Centro de transformación anexo ao CS con celas prefabricadas de seccionamento, protección e medida (24 kV, 400A, 16 kV) e transformador de 630 kVA en silicona e relación 15 kV/400V.
Todas aquelas persoas ou entidades que se consideren afectadas poderán examinar o proxecto e/ou presentar as súas alegacións nesta xefatura territorial, situada no Edificio Administrativo Monelos; rúa Vicente Ferrer, 2, 1º andar, 15071 A Coruña, no prazo de vinte días, contados a partir do día seguinte ao da publicación, segundo os artigos 48 e 86 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro.
A Coruña, 4 de agosto de 2015
Isidoro Martínez Arca
Xefe territorial da Coruña