Unha vez cumpridos os trámites previstos no artigo 85.7 do Real decreto lexislativo 2/2011, do 5 de setembro, polo que se aproba o texto refundido da Lei de portos do Estado e da mariña mercante, aplicable en defecto de lexislación autonómica propia, e nas demais normas de procedente aplicación, acordouse, en virtude das atribucións delegadas pola Orde da Consellería do Medio Rural e do Mar do 30 de marzo de 2012, outorgar por resolución que pon fin á vía administrativa as seguintes concesións en dominio público portuario, con suxeición ás condicións estipuladas nos pregos de condicións correspondentes:
Resolución: 6 de abril de 2015.
Referencia: 14-01-04-C-1.
Obxecto: modificación substancial para autorizar obras de construción de instalación de subministración de combustible a embarcacións e para reflectir a nova distribución de prazas de amarre na concesión de instalacións náutico-deportivas.
Porto: Ribadeo.
Concesionario: Club Náutico Ría de Ribadeo.
Prazo: ata o 15 de maio de 2020.
Taxas: 57.090,1 €/ano en concepto de TODP, o 1 % do importe anual da cifra neta do volume de negocio xerado na instalación e o 2 % do importe anual da cifra neta do volume de negocio xerado pola actividade non portuaria en concepto de ACIS.
Resolución: 7 de maio de 2015.
Referencia: 12-46-04-C-1.
Obxecto: modificación substancial para ocupación das instalacións da lonxa municipalizada en réxime de monopolio, co obxecto de incluír no ámbito concesional a edificación destinada a clasificación do percebe.
Porto: Aguiño.
Concesionario: Concello de Ribeira.
Prazo: ata o 3 de xullo de 2029.
Taxas: 2.938,79 €/ano en concepto de TODP e 0,0015 € por quilogramo de peixe vendido na lonxa en concepto de ACIS.
Resolución: 27 de maio de 2015.
Referencia: 12-50-00-C-1.
Obxecto: modificación substancial, por ampliación por revisión, e prórroga da concesión para o desenvolvemento das actividades portuarias inherentes á explotación da lonxa.
Porto: A Pobra do Caramiñal.
Concesionaria: Confraría de Pescadores da Pobra do Caramiñal.
Prazo: ata o 24 de agosto do 2020.
Taxas: 945,76 €/ano en concepto de TODP e 0,0015 € por quilogramo de peixe vendido na lonxa en concepto de ACIS.
Resolución: 27 de maio de 2015.
Referencia: 12-33-00-C-1.
Obxecto: outorgamento da modificación substancial da concesión administrativa de ocupación dunha parcela de dominio publico portuario, con destino a explotación de local construído polo concesionario, e da explanada anexa para local social, bar-cafetaría, almacén, escola de vela e depósito de embarcacións deportivas no porto de Corcubión.
Concesionario: Club Marítimo Carrumeiro.
Prazo: ata o 24 de outubro do 2015.
Taxas: 2.610,35 €/ano en concepto de TODP, o 1 % do volume de negocio xerado no ámbito da concesión administrativa polo desenvolvemento das actividades portuarias e o 2 % das non portuarias en concepto de ACIS.
Resolución: 1 de xuño de 2015.
Referencia: 13-36-14-C-1.
Obxecto: explotación de nave e rampla varadoiro para a reparación e o mantemento de embarcacións.
Porto: Tragove.
Concesionaria: Intremar Servicios Integrales de Mantenimiento, S.L.
Prazo: 20 anos.
Taxas: 28.609,76 €/ano en concepto de TODP e o 1 % do importe anual da cifra neta de negocio das actividades desenvolvidas na instalación en concepto de ACIS.
Resolución: 30 de xuño de 2015.
Referencia: 12-55-00-C-1.
Obxecto: outorgamento da modificación substancial, para ampliación por revisión, e terceira prórroga da concesión para a explotación de lonxa.
Concesionaria: Confraría de Pescadores de Rianxo.
Prazo: ata o 14 de xullo de 2020.
Taxas: 7.842,96 €/ano en concepto de TODP, 0,0015 € por quilogramo de peixe vendido na lonxa, o 1 % do volume de negocio xerado no ámbito da concesión administrativa polo desenvolvemento das actividades portuarias e o 2 % das non portuarias en concepto de ACIS.
Contra os citados actos administrativos que esgotan a vía administrativa cabe interpor recurso contencioso-administrativo ante o Xulgado do Contencioso-Administrativo de Santiago de Compostela no prazo de dous (2) meses contados a partir do día seguinte ao da publicación da resolución que faga público o outorgamento.
Non obstante, os interesados poderán interpor contra esta resolución recurso de reposición, no prazo dun (1) mes contado a partir do día seguinte ao desta publicación, ante o mesmo órgano que a ditou, de acordo co disposto no artigo 116 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro.
Santiago de Compostela, 29 de xullo de 2015
José Juan Durán Hermida
Presidente de Portos de Galicia