Para os efectos previstos na Lei 24/2013, do 26 de decembro, do sector eléctrico, e no artigo 125 do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización das instalacións eléctricas que se describen:
Solicitante: Agro Avícola 3, S.L.
Domicilio social: rúa do Rodo, nº 62, baixo S, 36365 Lalín.
Título: LMTA, LMTS e CT para unha granxa en Monte Medo.
Situación: Lalín e Dozón.
Características técnicas: LMT a 20 kV con entroncamento no apoio existente HV-400/11 da LMT LAL811 Rodeiro, no concello de Lalín, e final no CT proxectado. A liña consta dun primeiro tramo aéreo con condutor LA-56 de 17 metros, un segundo subterráneo con condutor RHZ de 218 metros e un terceiro, tamén aéreo, de 1.091,2. Centro de transformación intemperie de 50 kVA, RT 20 kV/400 V, situado en Monte Medo, Rodelas (Maceira-San Martiño), Dozón.
Todas aquelas persoas ou entidades que se consideren afectadas poderán presentar as súas alegacións nesta xefatura territorial; Edificio Administrativo na avenida Fernández Ladreda, 43, 5º, no prazo de vinte días. Así mesmo, e durante o mencionado prazo, tamén se poderá examinar o proxecto da instalación.
Pontevedra, 30 de xullo de 2015
P.A. (Decreto 110/2013, do 4 de xullo)
Eugenio Fernández Piñeiro
Xefe do Servizo de Administración Industrial