En virtude do establecido nos artigos 4.13 e 34.2 da Lei 1/1983, do 22 de febreiro, de normas reguladoras da Xunta e da súa Presidencia, 65 da Lei 16/2010, do 17 de decembro, de organización e funcionamento da Administración xeral e do sector público autonómico de Galicia, e 16.1 do estatuto da Axencia Tributaria de Galicia, aprobado polo Decreto 202/2012, do 18 de outubro, polo que se crea a Axencia Tributaria de Galicia e se aproba o seu estatuto, por proposta do conselleiro de Facenda e logo de deliberación do Consello da Xunta de Galicia, na súa reunión do día seis de agosto de dous mil quince,
DISPOÑO:
Que cese, por petición propia, Ulpiano Leandro Villanueva Rodríguez como director da Axencia Tributaria de Galicia, agradecéndolle os servizos prestados.
Santiago de Compostela, seis de agosto de dous mil quince
Alberto Núñez Feijóo
Presidente
Valeriano Martínez García
Conselleiro de Facenda