Mediante a Orde do 13 de abril de 2015 (DOG núm. 75, do 22 de abril), da Consellería de Traballo e Benestar, establecéronse as bases reguladoras do concurso de iniciativas cooperativas e procedeuse á súa convocatoria para o ano 2015.
Nas bases reguladoras establécese que os proxectos presentados serán avaliados pola Comisión Permanente do Consello Galego de Cooperativas, que actuará como tribunal, e que a persoa titular da Dirección Xeral de Traballo e Economía Social resolverá a concesión do premio, que será obxecto de publicación no Diario Oficial de Galicia.
Unha vez aprobada a proposta de concesión do premio pola Comisión Permanente do Consello Galego de Cooperativas encargada de avaliar os proxectos presentados, na súa reunión do 2 de xuño de 2015, e sen que fosen formuladas reclamacións, por Resolución da Dirección Xeral de Traballo e Economía Social do 1 de xullo de 2015 aprobouse a concesión do premio.
Por todo o anterior
DISPOÑO:
Facer pública a concesión do premio do concurso de iniciativas cooperativas 2015 a Carlos Castro López, autor do proxecto denominado Delagros, S.C. presentado baixo o pseudónimo «Cooperativa II grado».
Santiago de Compostela, 1 de xullo de 2015
Carmen Bouso Montero
Directora xeral de Traballo e Economía Social