De conformidade co disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común, publícase o emprazamento para trámite de audiencia ditado no expediente de reposición da legalidade urbanística LUG/177/2014-RP1, a Purificación Fierros Carrera, en relación coas obras consistentes na instalación de vivenda prefabricada tipo mobil home, de planta baixa e cuberta a dúas augas e construción de chapa metálica, acaroada nunha das súas fachadas ao peche e con cuberta a unha auga, no lugar de Pozo do Asno, no termo municipal de Barreiros, provincia de Lugo.
Ao non poderse realizar a notificación persoal daquel acordo á interesada, mediante a presente cédula, e ao abeiro do disposto no artigo 59.5 da Lei 30/1992, de réxime xurídico das administracións públicas e do procedemento administrativo común (LRXPAC), notifícaselle á interesada o devandito acordo por medio dun anuncio no Boletín Oficial del Estado.
O expediente relacionado atópase á súa disposición na Axencia de Protección da Legalidade Urbanística, sita no Edificio Witland, Salgueiriños, en Santiago de Compostela, para a súa consulta no prazo de 10 días hábiles, que se contará desde o día seguinte ao da publicación desta cédula no Boletín Oficial del Estado. Transcorrido o devandito prazo a notificación entenderase producida.
A interesada disporá dun prazo de 10 días hábiles, contado a partir do día seguinte a aquel en que se teña producido a notificación no Boletín Oficial del Estado, para presentar as alegacións e os documentos e xustificacións que considere pertinentes.
Para que conste e lle sirva de notificación á citada interesada, en cumprimento do disposto no artigo 59.5 da devandita Lei 30/1992, do 26 de novembro, expido e asino esta cédula.
Santiago de Compostela, 3 de xullo de 2015
José Antonio Cerdeira Pérez
Director da Axencia de Protección da Legalidade Urbanística