Advertidos erros de transcrición na Orde do 26 de xuño de 2015 pola que se convoca un concurso público de méritos para cubrir unha praza de profesor/a de lingua e literatura galegas no colexio Vicente Cañada Blanch de Londres (Reino Unido), publicada no Diario Oficial de Galicia núm. 125, do 6 de xullo de 2015, cómpre facer a seguinte corrección:
Na páxina 28007, anexo II, punto 3.1, onde di: «Por cursos superados ou impartidos en materia educativa relacionados ... Ata 2 puntos», debe dicir: «Por cursos superados ou impartidos en materia educativa relacionados .... Ata 3 puntos».
Esta corrección de erros anula a publicada no Diario Oficial de Galicia núm. 129, do 10 de xullo de 2015, quedando a puntuación total do número 3, Formación e perfeccionamento, reflectido no anexo II, en 6 puntos, tal e como di a convocatoria publicada no Diario Oficial de Galicia núm. 125, do 6 de xullo de 2015.
Esta corrección de erros non modifica o prazo de presentación das solicitudes.