De conformidade co disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselles o emprazamento para trámite de audiencia do expediente de procedemento de nomeamento de veterinario actuante do Rexistro Galego de Identificación de Animais de Compañía e Potencialmente Perigosos a Francisco Alonso Fernández, despois de intentada notificación persoal no último domicilio coñecido e non sendo posible a súa práctica.
Segundo se establece no artigo 61 da citada lei, o interesado dispón dun prazo de 10 días, contados a partir do seguinte ao da publicación deste anuncio no Boletín Oficial del Estado, para examinar estes actos na sede desta dirección xeral, situada na rúa San Lázaro, s/n, das 9.00 ás 14.00 horas, de luns a venres, e presentar os documentos e xustificantes que considere oportunos.
Transcorrido o devandito prazo sen efectuarse a comparecencia, a notificación entenderase producida desde o día seguinte ao da súa publicación no Boletín Oficial del Estado.
Santiago de Compostela, 25 de xuño de 2015
Verónica Tellado Barcia
Directora xeral de Conservación da Natureza