Visto o expediente para outorgamento de autorización administrativa previa e de construción da instalación eléctrica que a seguir se describe:

Solicitante: Unión Fenosa Distribución, S.A.

Domicilio social: A Batundeira, 2, Velle, Ourense.

Denominación: LMT e CT Poblado Montefurado.

Situación: concello de Quiroga.

Características técnicas:

1. LMT aérea a 20 kV con orixe no apoio tubular metálico existente nº 7801003-01 (nº 0 do presente proxecto) pertencente á LMT existente RUA-806 e final no poste tubular metálico proxectado nº 3, cunha lonxitude de 115 metros, en condutor LA-56 tensada sobre apoios metálicos.

2. LMT soterrada a 20 kV con orixe nun paso aéreo a soterrado situado no apoio tubular metálico proxectado nº 3 e final no CT Montefurado, cunha lonxitude de 72 metros en condutor tipo RHZ-95.

3. CT en edificio prefabricado Montefurado, no cal se aumenta a potencia instalada que pasa de 160 kVA a 250 kVA e se instala unha cela de liña e unha de protección, relación de transformación de 20.000/400-230 V.

Cumpridos os trámites ordenados na Lei 24/2013, do 26 de decembro (BOE núm. 310) do sector eléctrico, e no título VII, capítulo II do Real decreto 1955/2000, do 1 de decembro (BOE núm. 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, e de acordo coa Resolución do 19 de febreiro de 2014, da Dirección Xeral de Enerxía e Minas, pola que se aproba o procedemento de autorización administrativa de construción (DOG núm. 54) esta xefatura territorial resolve:

Conceder a autorización administrativa previa e a autorización administrativa de construción das ditas instalacións, cuxas características se axustarán en todas as súas partes ás que figuran no seu proxecto e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente, independientemente das autorizacións, licenzas ou permisos de competencia municipal, provincial e outros necesarios para a realización das obras das instalacións autorizadas.

O prazo de posta en marcha das instalacións que se autorizan será de doce meses, contados a partir da data da última autorización administrativa necesaria para a súa execución.

Contra esta resolución cabe interpor recurso de alzada ante o conselleiro de Economía e Industria no prazo dun mes, a partir do día seguinte ao da notificación ou publicación desta resolución; tamén poderá interpor calquera outro recurso que xulgue pertinente ao seu dereito.

Lugo, 25 de xuño de 2015

Pilar Fernández López
Xefa territorial de Lugo