Intentada a notificación persoal e devolta polo servizo de Correos ao resultar imposible a súa práctica, de conformidade co establecido no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común (LRX-PAC), por esta resolución ponse en coñecemento da empresa Double M Galexport, S.L., titular do expediente IG166.2014.1.41, relativo a unha axuda á contratación de xestores Igapex de internacionalización, cofinanciadas polo Fondo Social Europeo no marco do programa operativo FSE Galicia 2007-2013 (Resolución do 25 de novembro de 2013; DOG núm. 229, do 29 de novembro), que, con data do 31.3.2015, o director xeral do Igape acordou iniciar o procedemento de incumprimento total das condicións de concesión da axuda outorgada, co obxecto de determinar o alcance deste, que podería dar lugar á revogación da axuda concedida.
Os actos obxecto deste anuncio non se publican na súa integridade en virtude da cautela prevista no artigo 61 da LRX-PAC. Concédeselle un prazo de quince días hábiles desde a publicación desta resolución no Boletín Oficial del Estado para presentar alegacións co fin de xustificar a non procedencia deste presunto incumprimento. O expediente ponse de manifesto ao interesado neste centro directivo, sito en Santiago de Compostela no Complexo Administrativo San Lázaro, s/n.
Santiago de Compostela, 28 de maio de 2015
Javier Aguilera Navarro
Director xeral do Instituto Galego de Promoción Económica