A base décima da Resolución da Dirección Xeral de Recursos Humanos do 30 de abril de 2013 (Diario Oficial de Galicia nº 91, do 14 de maio), pola que se convoca concurso-oposición para o ingreso na categoría de médico/a de urxencias hospitalarias do Servizo Galego de Saúde, dispón que, unha vez adxudicados os destinos, publicarase no Diario Oficial de Galicia a resolución pola que se declare finalizado o proceso selectivo, co nomeamento como persoal estatutario fixo do Servizo Galego de Saúde e asignación de destino a aqueles/as aspirantes seleccionados/as que acrediten o cumprimento dos requisitos exixidos.
De conformidade coa dita base, o artigo 4 da Orde do 5 de xullo de 2012, sobre delegación de competencias en órganos centrais e periféricos do Servizo Galego de Saúde (Diario Oficial de Galicia nº 139, do 20 de xullo), e o artigo 8 do Decreto 198/2012, do 27 de setembro (Diario Oficial de Galicia nº 194, do 10 de outubro), esta dirección xeral, como órgano convocante do proceso,
RESOLVE:
Primeiro. Declarar finalizado o concurso-oposición para o ingreso na categoría de médico/a de urxencias hospitalarias convocado pola Resolución da Dirección Xeral de Recursos Humanos do 30 de abril de 2013 (Diario Oficial de Galicia nº 91, do 14 de maio).
Segundo. Nomear como persoal estatutario fixo do Servizo Galego de Saúde, na categoría de médico/a de urxencias hospitalarias, aos/ás aspirantes seleccionados/as que se inclúen no anexo desta resolución.
Terceiro. Adxudicarlles aos/ás ditos/as aspirantes, con carácter de destino definitivo, a praza correspondente que figura no indicado anexo.
Cuarto. Os/as aspirantes nomeados/as disporán do prazo dun mes, contado desde o día seguinte ao da publicación desta resolución no Diario Oficial de Galicia, para incorporarse á praza adxudicada.
De conformidade coa base décima da resolución de convocatoria do proceso, a toma de posesión da praza efectuarase no centro de xestión a que pertenza esta. A falta de incorporación no prazo referido, cando sexa imputable ao/á interesado/a e non responda a causas xustificadas, producirá o decaemento do seu dereito a obter a condición de persoal estatutario fixo como consecuencia do concreto proceso selectivo. Non obstante, en casos de forza maior, e por instancia do/da interesado/a, a Dirección Xeral de Recursos Humanos do Servizo Galego de Saúde poderá prorrogar o prazo de toma de posesión.
Quinto. Contra esta resolución, que pon fin á vía administrativa, poderase interpor recurso potestativo de reposición ante esta dirección, no prazo dun mes contado desde o día seguinte ao da súa publicación no Diario Oficial de Galicia, de conformidade co establecido na Lei 30/1992, do 26 de novembro, ou poderase impugnar directamente na xurisdición contencioso-administrativa nos termos da Lei 29/1998, do 13 de xullo.
Santiago de Compostela, 3 de xuño de 2015
Margarita Prado Vaamonde
Directora xeral de Recursos Humanos
ANEXO
Relación definitiva de adxudicatarios/as e destinos
Médico/a de urxencias hospitalarias
DNI |
Apelidos e nome |
Destino adxudicado |
Localidade |
*550H |
Alonso Paz, Jorge |
329900550 - EOXI Ourense-Verín-O Barco-Hospital de Verín |
Verín |
*142P |
Ferreiro Gómez, Manuel |
270600550 - EOXI Lugo-Cervo-Monforte-Hospital da Costa |
Burela |
*187F |
González Maroño, César |
320100550 - EOXI Ourense-Verín-O Barco-Complexo Hospitalario Universitario de Ourense |
Ourense |
*887T |
Lombardía Cortiña, Mónica |
320100550 - EOXI Ourense-Verín-O Barco-Complexo Hospitalario Universitario de Ourense |
Ourense |
*264A |
López López, Susana |
320100550 - EOXI Ourense-Verín-O Barco-Complexo Hospitalario Universitario de Ourense |
Ourense |
*664D |
Lorenzo Carrero, Jorge |
329900550 - EOXI Ourense-Verín-O Barco-Hospital de Verín |
Verín |
*316R |
Mirás Bello, Carlos David |
360300550 - EOXI Pontevedra-O Salnés-Complexo Hospitalario de Pontevedra |
Pontevedra |
*115N |
Pérez Pacheco, Marina |
159800550 - EOXI A Coruña-Hospital Virxe da Xunqueira |
Cee |
*880P |
Pichel Loureiro, Ángel |
159900550 - EOXI Santiago de Compostela-Hospital da Barbanza |
Ribeira |
*996F |
Rodríguez Trigo, Sandra |
320100550 - EOXI Ourense-Verín-O Barco-Complexo Hospitalario Universitario de Ourense |
Ourense |
*030Z |
Touceda Bravo, Alberto |
320100550 - EOXI Ourense-Verín-O Barco-Complexo Hospitalario Universitario de Ourense |
Ourense |
*541C |
Varela Portas Mariño, Jacobo Antonio |
320100550 - EOXI Ourense-Verín-O Barco-Complexo Hospitalario Universitario de Ourense |
Ourense |
* O nº de DNI do/da aspirante seleccionado/a amósase cifrado en protección dos datos de carácter persoal.