A dita ampliación foi solicitada pola sociedade Canteras Prebetong, S.L.U., titular na data da solicitude do dereito mineiro, que foi transmitido ao titular actual Prebetong Áridos, S.L.U.
Todas as persoas que se consideren afectadas por esta ampliación do perímetro de explotación dentro da concesión de explotación Monte Agriño II núm. 6976.1 poderán examinar o expediente na Sección de Minas da Xefatura Territorial da Consellería de Economía e Industria da Coruña, Edificio Administrativo Monelos, 2º andar, rúa de Vicente Ferrer núm. 2, A Coruña, e alegar por escrito todo o que crean oportuno. Para iso, terán un prazo de trinta días hábiles, que comezarán a contar desde o día seguinte en que se publique este anuncio no Diario Oficial de Galicia, segundo o establecido polo artigo 21 da Lei 3/2008, do 23 de maio, de ordenación da minaría de Galicia (Diario Oficial de Galicia núm. 109, do 6 de xuño).
A Coruña, 17 de abril de 2015
Isidoro Martínez Arca
Xefe territorial da Coruña