1. Encomenda de xestión dos traballos para o tratamento de lixiviados no vertedoiro de residuos non perigosos de Campo Gaiosa.
– Actividade: tratamento dos lixiviados xerados no vaso de vertedura e almacenados nas balsas, principal e de emerxencia, da instalación de Campo Gaiosa, mediante o seu bombeo/carga, transporte e entrega a xestor autorizado.
– Natureza e alcance da xestión encomendada: esta encomenda ten natureza intersubxectiva, ao ter Tragsa a consideración de medio instrumental da Administración segundo o disposto na disposición adicional vixésimo quinta do Real decreto lexislativo 3/2011, do 14 de novembro, polo que se aproba o texto refundido da Lei de contratos do sector público.
– Prazo de vixencia: o período de execución comeza o 14 de maio de 2015 e terá unha duración máxima de 3 meses.
Santiago de Compostela, 25 de maio de 2015
José Antonio Fernández Vázquez
Secretario xeral técnico da Consellería de Medio Ambiente,
Territorio e Infraestruturas