O Pleno da Corporación Municipal, na sesión ordinaria do 5 de maio de 2015, aprobou inicialmente a modificación do Plan xeral de ordenación municipal no núcleo de Outeiro-Igrexa- na parroquia de Pontellas do concello do Porriño, acordo que ten o seguinte contido literal:
«1º. Aprobar inicialmente a modificación puntual do PXOM no núcleo do Outeiro-A Igrexa-Pontellas, no ámbito do cemiterio de Pontellas.
2º. Someter o expediente a información pública por un prazo de dous meses mediante a publicación no Diario Oficial de Galicia, en dous dos xornais de maior difusión da provincia e no taboleiro de edictos do concello.
3º. Dar audiencia aos concellos limítrofes por un prazo de dez días habiles para os efectos da presentación das alegacións que xulguen convenientes.
4º. Suspender o outorgamento de licenzas de parcelación, edificación e derrubamento nos ámbitos da modificacion puntual que poidan ser incompatibles coa ordenación urbanística obxecto de aprobación».
O que se fai público para xeral coñecemento, para que os interesados presenten as alegacións, reclamacións e suxestións que xulguen convenientes, en cumprimento do estipulado pola lexislación vixente, polo que se somete o expediente a información pública por un prazo de dous meses mediante publicación no Diario Oficial de Galicia e taboleiro de edictos e páxina web do concello para os efectos de que os interesados presenten as reclamacións e suxestións que xulguen convenientes.
O Porriño, 11 de maio de 2015
José Nelson Santos Argibay
Alcalde