O artigo 11.1 da Lei 4/2006, do 30 de xuño, de transparencia e de boas prácticas na Administración pública galega (DOG número 136, do 14 de xullo), impón a cada consellería da Xunta de Galicia a obriga de publicar no Diario Oficial de Galicia unha relación dos convenios de colaboración subscritos no cuadrimestre anterior.
En consecuencia, e para lle dar cumprimento a esa obriga,
RESOLVO:
Darlle publicidade á relación de convenios de colaboración subscritos pola Consellería de Traballo e Benestar durante o primeiro cuadrimestre do ano 2015, que se incorpora como anexo a esta resolución.
Santiago de Compostela, 18 de maio de 2015
Mª Jesús Lorenzana Somoza
Secretaria xeral técnica da Consellería de Traballo e Benestar
ANEXO
Convenios asinados no primeiro cuadrimestre de 2015
Título |
Obxecto |
Data |
Importe (€) |
Acordo de prórroga do convenio de colaboración entre o Consello Xeral do Poder Xudicial, a Vicepresidencia e Consellería de Presidencia, Administracións Públicas e Xustiza, a Consellería de Traballo e Benestar e o Ministerio Fiscal para a implantación dun programa piloto de mediación familiar intraxudicial en Lugo. |
Dar continuidade, mediante prórroga para 2015, ao convenio de colaboración subscrito entre o Consello Xeral do Poder Xudicial, a Vicepresidencia e Consellería de Presidencia, Administracións Públicas e Xustiza, a Consellería de Traballo e Benestar e o Ministerio Fiscal. |
1.1.2015 |
Sen contido económico |
Convenio de cooperación educativa entre a Consellería de Traballo e Benestar e a Universidade de Vigo para realizar prácticas académicas externas (2014-2015). |
Colaboración na realización de prácticas académicas externas do alumnado da Universidade de Vigo, para facilitar a preparación para o exercicio profesional nas áreas operativas da empresa relacionadas coa súa formación universitaria e as posibles saídas profesionais desde os estudos cursados na dita Universidade. Promoverase o futuro desenvolvemento profesional e o acceso ao mercado laboral das futuras persoas tituladas universitarias. |
8.1.2015 |
Sen contido económico |
Convenio de colaboración entre a Consellería de Traballo e Benestar da Xunta de Galicia, a Federación Galega de Municipios e Provincias (Fegamp) e a Asociación Galega de Familias Numerosas (Agafan) para o apoio ás familias numerosas de Galicia. |
Establecer un procedemento de actuación para determinar os beneficios que os concellos da Comunidade Autónoma de Galicia outorgan ás familias numerosas. |
26.1.2015 |
Sen contido económico |
Convenio de colaboración entre a Consellería de Traballo e Benestar e o Consorcio Galego de Servizos de Igualdade e Benestar para o desenvolvemento de actuacións no marco da inclusión social, cofinanciado polo Fondo Social Europeo (eixo 2, código 71 do p.o. do Fondo Social Europeo 2007/2013). |
Regular o marco de cooperación entre a Consellería de Traballo e Benestar e o Consorcio Galego de Servizos de Igualdade e Benestar para o mantemento dunha rede coordinada de equipos de inclusión sociolaboral e accións complementarias de formación, sensibilización social, e de acompañamento para a inserción de persoas e colectivos vulnerables no eido da inclusión social. |
4.2.2015 |
1.647.826,00 € |
Convenio de colaboración entre a Consellería de Traballo e Benestar da Xunta de Galicia e a Fundación «Universidade da Coruña» para o desenvolvemento do programa: «Avaliación e tratamento terapéutico de menores en situación de risco ou desamparo». |
Organización e realización do programa «Avaliación e tratamento terapéutico de menores en situación de risco ou desamparo» desenvolvido pola «Unidade de Investigación en Intervención e Coidado Familiar (UIICF) da Universidade da Coruña». O programa inclúe o deseño e aplicación do tratamento terapéutico dos menores derivados polos equipos técnicos de menores da Consellería de Traballo e Benestar, o seguimento e avaliación científica dos resultados e o asesoramento aos profesionais e coidadores dos menores que estean recibindo o tratamento. |
9.3.2015 |
137.779,00 € |
Convenio de colaboración entre a Consellería de Traballo e Benestar da Xunta de Galicia e Cáritas Diocesana de Mondoñedo-Ferrol para a acreditación da formación impartida por Cáritas no marco do seu convenio coa Fundación Endesa. |
Articular unha colaboración entre a Consellería de Traballo e Benestar e Cáritas Diocesana de Mondoñedo-Ferrol, que recolla as características e condicións que debe reunir a formación impartida a través do itinerario formativo asociado ao certificado de profesionalidade de operacións auxiliares de montaxe de instalacións electrotécnicas e de telecomunicacións en edificios, establecido no Real decreto 683/2011, do 13 de maio, co obxecto da súa acreditación oficial a través da expedición do correspondente certificado de profesionalidade. |
1.4.2015 |
Sen contido económico |
Convenio de colaboración entre a Consellería de Traballo e Benestar da Xunta de Galicia, a Fundación ONCE e a Asociación para o Emprego e Formación de Persoas con Discapacidade, para a acreditación da formación impartida no marco do Programa por talento cofinanciado polo Fondo Social Europeo. |
Articular unha colaboración entre a Consellería de Traballo e Benestar, a Fundación ONCE e FSC Inserta, que recolla as características e condicións que debe reunir a formación impartida no marco do Programa Por Talento a través dos itinerarios formativos asociados aos certificados de profesionalidade de: Xestión de chamadas de teleasistencia, operacións auxiliares de servizos administrativos e xerais, e limpeza de superficies e mobiliario en edificios e locais. |
1.4.2015 |
Sen contido económico |
Convenio de colaboración entre a Consellería de Traballo e Benestar e a Asociación Galega de Atención Temperá (AGAT), para contribuír ao financiamento dun servizo social comunitario específico de atención temperá a nenos/as con discapacidade e as súas familias. |
Financiamento dun servizo social comunitario específico de atención temperá a nenos/as con discapacidade e as súas familias. |
8.4.2015 |
275.000,00 € |
Convenio de colaboración entre a Consellería de Traballo e Benestar e a Deputación Provincial de Ourense relativo á utilización de determinadas instalacións e servizos da Residencia Xuvenil Florentino López Cuevillas. |
Establecer a forma e condicións de colaboración entre a Consellería de Traballo e Benestar e a Deputación Provincial de Ourense para a promoción da práctica de actividades deportivas entre a xuventude, sendo a previsión acoller a cinco (5) deportistas. |
9.4.2015 |
Sen contido económico |
Convenio de colaboración coa Fundación Galicia Europa para o desenvolvemento das actividades de información e documentación europea para a xuventude galega. |
Desenvolvemento das actividades de información e documentación europea para a xuventude galega. |
13.4.2015 |
42.500,00 € |
Convenio de colaboración entre a Consellería de Traballo e Benestar e a Fundación Tutelar Galega para Persoas con Discapacidade Intelectual Sálvora para o financiamento das actuacións de tutela dirixidas ás persoas con discapacidade intelectual. |
Financiamento das actuacións de tutela dirixidas ás persoas con discapacidade intelectual. |
14.4.2015 |
50.000,00 € |
Convenio de colaboración entre a Consellería de Traballo e Benestar e a Asociación de Familiares de Enfermos de Alzheimer e outras Demencias de Galicia (Afaga), para o financiamento do proxecto «Estimula-Dom». |
Mantemento dun equipo multidisciplinar de estimulación cognitiva no fogar para aquelas persoas con alzheimer que non se poden desprazar ao Centro de Atención Integral. |
14.4.2015 |
25.000,00 € |
Convenio de colaboración entre a Consellería de Traballo e Benestar da Xunta de Galicia e a Universidade de Santiago de Compostela, para a realización do estudo «Os programas de educación non formal e a empregabilidade da xuventude en Galicia». |
Establecer as bases reguladoras da colaboración entre a Consellería de Traballo e Benestar, a través da Dirección Xeral de Xuventude e Voluntariado, e a Universidade de Santiago de Compostela, para a realización do estudo «Os programas de educación non formal e a empregabilidade da xuventude en Galicia» centrado nos programas da Dirección Xeral de Xuventude e Voluntariado «Iniciativa Xove», «Voluntariado Xuvenil» e «Galeuropa». |
17.4.2015 |
30.752,15 € |
Convenio de colaboración entre a Consellería de Traballo e Benestar e a Federación Territorial de Asociacións Provinciais de Pensionistas e Xubilados de Galicia (Fetega) para o financiamento de actividades. |
Financiamento de actividades dirixidas aos maiores: programas de formación, benestar e envellecemento activo así como cultural, social e de xestión e proxección pública da federación. |
20.4.2015 |
28.000,00 € |
Convenio de colaboración entre a Consellería de Traballo e Benestar e a Fundación Profesor Novoa Santos, para o financiamento do programa de integración social de lesionados medulares residentes na Comunidade Autónoma de Galicia. |
Programa de integración social de lesionados medulares residentes na Comunidade Autónoma de Galicia. |
21.4.2015 |
21.500,00 € |
Acordo da prórroga do convenio de colaboración entre a Consellería de Traballo e Benestar da Xunta de Galicia, o Consorcio Galego de Servizos de Igualdade e Benestar e a Universidade da Coruña para a realización de prácticas do master en Dependencia e Xestión de Servizos Sociais. |
O convenio ten por obxecto establecer a colaboración entre os comparecentes cara a unha adecuada planificación, desenvolvemento e avaliación do programa indicado e á formación práctica dos alumnos do Posgrao, así coma as actividades complementarias deste, e que ten unha vixencia dun ano desde a súa sinatura. |
24.4.2015 |
Sen contido económico |
Anexo ao Convenio de colaboración entre o Instituto de la Juventud del Ministerio de Sanidad, Servicios Sociales e Igualdad e Microbank, subscrito o 12 de xaneiro de 2015 para realizar actuacións de promoción e apoio á mocidade emprendedora e empresaria enmarcadas no desenvolvemento do Programa de Microcréditos Injuve durante o ano 2015. |
Facilitar microcréditos a mozos e mozas emprendedores menores de 30 anos. |
27.4.2015 |
Sen contido económico |
Convenio de colaboración entre a Xunta de Galicia, a través da Consellería de Traballo e Benestar e o Concello da Peroxa para os investimentos de adecuación da aula da terceira idade do edificio multiúsos. |
Execución dos investimentos destinados á adecuación, acondicionamento e equipamento da «aula da terceira idade» do centro multiusos do Concello da Peroxa. |
29.4.2015 |
40.000 € |
Convenio de colaboración entre a Consellería de Traballo e Benestar e a Federación Gallega de Bancos de Alimentos para o desenvolvemento de actuacións encamiñadas á captación, almacenamento e distribución de alimentos ás institucións asistenciais ou benéficas. |
A Federación Gallega de Bancos de Alimentos realizará unha serie de actuacións encamiñadas á captación, almacenamento e distribución de alimentos ás institucións asistenciais ou benéficas legalmente constituídas con esa finalidade. |
30.4.2015 |
60.000,00 € |