Con data do 19 de marzo de 2015, a xefa territorial da Consellería de Sanidade en Ourense acordou o inicio do expediente sancionador 2015024AL-OU a Transportes Urgentes Raca-2, S.L.: (CIF B-84670132), con enderezo na rúa Vicente Gaos, 3, portal 2-3-1 de Coslada (Madrid).
Intentada a notificación deste acordo segundo o disposto no artigo 59 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro, e non sendo posible a súa práctica, por medio desta cédula, e segundo o disposto no número 5 do referido artigo, notifícaselle a Transportes Urgentes Raca-2, S.L. o contido do referido acordo de inicio que figura como anexo para que poida ter coñecemento del.
Así mesmo, fáiselle saber o dereito que a asiste, ao abeiro do disposto no número 1 do artigo 19 do Real decreto 1398/1993, do 4 de agosto, polo que se aproba o Regulamento para o exercicio da potestade sancionadora, para presentar alegacións, ante esta xefatura territorial, no prazo de quince (15) días hábiles contados desde o seguinte ao publicación desta cédula, lembrándolle o seu dereito a consultar o expediente, depositado nas dependencias desta xefatura territorial, sita na avenida de Zamora, nº 13, Ourense, e a obter, de ser o caso, copia del, segundo o previsto na letra a) do artigo 35 da citada Lei 30/1992, do 26 de novembro.
Advírteselle que, no caso de non efectuar alegacións sobre o contido do dito acordo no mencionado prazo, o acordo de inicio considerarase proposta de resolución cando conteña un pronunciamento preciso sobre a responsabilidade imputada, cos efectos previstos nos artigos 18 e 19 do Real decreto 1398/1993.
Esta cédula expídese para que conste e lle sirva de notificación á interesada, en cumprimento do disposto no artigo 59.5 da Lei 30/1992, do 26 de novembro.
Ourense, 28 de abril de 2015
María Villar Suárez
Xefa territorial de Ourense
ANEXO
Expediente sancionador: 2015024AL-OU.
Interesada: Transportes Urgentes Raca-2, S.L.
DNI/NIF/CIF: B84670132.
Último enderezo coñecido: rúa Vicente Gaos, 3, portal 2-3-1 de Coslada (Madrid).
Feito imputado: infracción da lexislación aplicable en materia sanitaria.
Preceptos infrinxidos: Regulamento (CE) nº 852/2004, do 29 de abril.
Tipificación: leve.
Sanción proposta: trescentos euros (300,00 €).