Intentada a notificación das ditas resolucións segundo o disposto no artigo 59 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro, e non sendo posible a súa práctica, por medio desta cédula e segundo o disposto no número 5 do referido artigo e o establecido no artigo 61 do mesmo texto legal, notifícaselles aos interesados o contido das resolucións que figuran como anexo para que poidan ter coñecemento delas.
Así mesmo, fáiselles saber o dereito que os asiste para que poidan realizar as alegacións e presentar a documentación que consideren oportuna, no prazo de quince días hábiles, que comezará a contar a partir do día seguinte ao desta publicación.
Á vista das alegacións e da documentación achegada, ou transcorrido o prazo concedido para o efecto, ditarase a resolución que lle corresponda respecto ao reintegro da subvención concedida.
Lémbraselles tamén o seu dereito a consultar o expediente, depositado nas dependencias desta xefatura territorial, sitas na rúa Salvador de Madariaga, nº 9, 1º, na Coruña, e a obter, se é o caso, copia da resolución, segundo o previsto na letra a) do artigo 35 da Lei 30/1992, do 26 de novembro.
A Coruña, 20 de abril de 2015
Mª Pilar Caridad Alonso
Xefa territorial da Coruña
ANEXO
Nº de expediente: TR348A 2011/53-1.
Nome ou razón social: Invergalia Activos, S.L.
Último enderezo coñecido: rúa Zeus, 7, Pazo do Río, 15172 Oleiros, A Coruña.
Feitos imputados: non manter no seu cadro de persoal fixo as persoas traballadoras contratadas ao abeiro deste programa durante un período mínimo de 3 anos. Non presentar a documentación a que fai referencia a base sétima, punto 3, do anexo A da orde de convocatoria.
Preceptos infrinxidos: base sétima, puntos 1 e 3, do anexo A da orde de convocatoria.
Contido da resolución: iniciar o expediente declarativo da procedencia de reintegro.
Nº de expediente: TR348A 2011/75-1.
Nome ou razón social: Coruñesa de Suministros Industriales, S.L.U.
Último enderezo coñecido: rúa Ermita, 6, polígono industrial A Grela, 15008 A Coruña.
Feitos imputados: non manter no seu cadro de persoal fixo as persoas traballadoras contratadas ao abeiro deste programa durante un período mínimo de 3 anos. Non presentar a documentación a que fai referencia a base sétima, punto 3, do anexo A da orde de convocatoria.
Preceptos infrinxidos: base sétima, puntos 1 e 3, do anexo A da orde de convocatoria.
Contido da resolución: iniciar o expediente declarativo da procedencia de reintegro.