A aprobación da modificación da relación de postos de traballo da Consellería de Traballo e Benestar xustifícase polas necesidades organizativas e funcionais da consellería.
En consecuencia, por proposta da Consellería de Traballo e Benestar, consultadas as organizacións sindicais presentes na Mesa Xeral de Negociación da Comunidade Autónoma e a Comisión de Persoal, o Consello da Xunta de Galicia, na súa reunión do día 13 de maio de 2015, adoptou o seguinte acordo:
Primeiro. Apróbase a modificación da relación de postos de traballo da Consellería de Traballo e Benestar, nos termos que se sinalan no anexo a este acordo.
Segundo. Os postos de traballo cuxa forma de provisión sexa mediante o sistema de libre designación e estean afectados polas disposicións recollidas na Lei 2/2015, do 29 de abril, do emprego público de Galicia (DOG núm. 82, do 4 de maio), deberán axustarse aos requisitos establecidos nelas, unha vez entre en vigor a nova normativa de función pública.
Terceiro. Ordénase a súa publicación no Diario Oficial de Galicia para os efectos da súa entrada en vigor a partir do día seguinte ao da súa publicación.
Visto o acordo adoptado polo Consello da Xunta de Galicia na súa reunión do 13 de maio de 2015, relativo á aprobación da modificación da relación de postos de traballo da Consellería de Facenda, coa finalidade de cumprir o dito acordo, de conformidade coa Orde da Consellería de Traballo e Benestar do 8 de xullo de 2013, sobre delegación de competencias na Dirección Xeral da Función Pública (DOG núm. 136, do 18 de xullo),
DISPOÑO:
A publicación no Diario Oficial de Galicia do Acordo do Consello da Xunta de Galicia do 13 de maio de 2015 polo que se aproba a relación de postos de traballo da Consellería de Traballo e Benestar, que figura como anexo a esta resolución.
Santiago de Compostela, 13 de maio de 2015
José María Barreiro Díaz
Director xeral da Función Pública