1. Entidade adxudicadora: datos xerais e datos para a obtención da información.

a) Organismo: Concello de Ourense.

b) Dependencia que tramita o expediente: Servizo de Contratación.

c) Obtención da documentación e información:

1) Dependencia: Servizo de Contratación.

2) Domicilio: praza do Trigo, nº 2, 3º.

3) Localidade e código postal: Ourense 32005.

4) Teléfono: 988 26 93 33.

5) Fax: 988 22 14 94.

6) Correo electrónico: www.contratacion@ourense.es

7) Enderezo da internet do perfil do contratante: www.ourense.es

d) Número de expediente: 2015001792 (referencia 2318).

2. Obxecto do contrato.

a) Tipo: servizos.

b) Descrición: contratación, mediante procedemento aberto, do servizo de desratización, desinsectación e desinfección no termo municipal de Ourense.

c) Lugar de execución/entrega: Concello de Ourense.

d) Prazo de execución/entrega: dous (2) anos.

e) Admisión de prórroga: si.

f) CPV (referencia de nomenclatura): 90922000-6.

3. Tramitación e procedemento.

a) Tramitación: ordinaria.

b) Procedemento: aberto.

c) Criterios de adxudicación e a súa ponderación:

Oferta económica: 90 puntos.

Oferta técnica: 10 puntos, distribuídos da seguinte forma:

– Aumento de frecuencia de actuacións en fase de choque: ata 2,5 puntos.

– Aumento de frecuencia de actuacións en fase de mantemento: ata 2,5 puntos.

– Tempo de resposta ante avisos inferior a 24 horas: ata 2,5 puntos.

– Nivel de detalle e claridade na memoria técnica de execución do servizo. Coherencia na planificación de actividades. Información, contidos e calidade dos informes: ata 2,5 puntos.

4. Orzamento base de licitación.

a) Valor estimado do contrato: 119.816,00 euros.

b) Tipo de licitación. Importe neto: 29.954,00 euros. IVE: 6.290,34 euros. Importe total: 36.244,34 euros.

5. Garantías exixidas.

a) Definitiva: 5 % do importe de adxudicación, IVE excluído.

6. Requisitos específicos do contratista.

a) Solvencia económico-financeira: a que se sinala no artigo 12 (Doc. 5) do prego de condicións.

b) Solvencia técnica: a que se sinala no artigo 12 (Doc. 6) de prego de condicións.

7. Presentación de ofertas.

a) Data límite de presentación: quince (15) días naturais contados a partir do seguinte a aquel en que se realicen as publicacións no BOP e no DOG.

b) Modalidade de presentación: a que se sinala no artigo 12 do prego de cláusulas administrativas.

c) Lugar de presentación:

1) Dependencia: Rexistro Xeral.

2) Domicilio: praza Maior, nº 1.

3) Localidade e código postal: Ourense 32005.

4) Enderezo electrónico: www.rexistroxeral@ourense.es

d) Prazo de vinculación da oferta: tres (3) meses contados desde a apertura de proposicións.

8. Apertura das ofertas.

a) Enderezo: Concello de Ourense. Praza Maior, nº 1.

b) Localidade e código postal: Ourense 32005.

c) Data e hora: anunciarase no perfil do contratante.

9. Gastos de publicidade: o importe dos anuncios será por conta do adxudicatario.

Ourense, 9 de abril de 2015

Agustín Fernández Gallego
Alcalde