De conformidade co Acordo da Xunta de Goberno Local, do 16 de marzo de 2015, e por medio deste anuncio, efectúase a convocatoria do procedemento aberto para a adxudicación do contrato do seguro de responsabilidade civil e danos materiais do Concello do Carballiño, consonte os seguintes datos:
1. Entidade adxudicadora:
a) Organismo: Concello do Carballiño.
b) Dependencia que tramita o expediente: Secretaría do Concello.
2. Obxecto do contrato:
Descrición do obxecto: seguro de responsabilidade civil e danos materiais do Concello do Carballiño.
3. Tramitación e procedemento:
a) Tramitación: ordinaria.
b) Procedemento: aberto.
4. Tipo de licitación:
Importe total: 50.000 euros, para un período de dous anos entre as 00.00 horas do día 17 de xuño de 2015 e as 24.00 horas do día 16 de xuño de 2017 (IVE e demais tributos incluídos).
5. Garantía provisional: non se exixe.
6. Garantía definitiva: 5 % do importe de adxudicación, sen incluír o IVE.
7. Obtención de documentación e información:
a) Entidade: Concello do Carballiño.
b) Domicilio: Praza Maior, 1.
c) Localidade e código postal: O Carballiño 32500.
d) Teléfono: 988 53 00 07.
e) Telefax: 988 53 00 08.
f) Data límite de obtención de documentos e información: o día anterior ao do remate do prazo de presentación de proposicións.
8. Criterios de avaliación:
a) Mellor oferta económica : ata 65 puntos.
b) Valoración oferta técnica: ata 35 puntos.
– Redución de franquía: ata 15 puntos.
– Inclusión de retroactividade por un período dun ano: ata 10 puntos.
– Aumento do límite de indemnización por sinistro: ata 7 puntos.
– Inclusión da garantía de responsabilidade civil e patrimonial derivada da protección de datos de carácter persoal (Lei orgánica 15/1999): ata 3 puntos.
9. Presentación das solicitudes de participación:
a) Data límite de presentación: rematará aos 10 días naturais contados a partir do día seguinte ao da última publicación deste anuncio no BOP, no DOG ou no perfil do contratante.
b) Documentación que cómpre presentar: segundo o especificado nos pregos de cláusulas administrativas.
c) Lugar de presentación:
1º. Entidade: Concello do Carballiño.
2º. Domicilio: Praza Maior, 1.
3º. Localidade e código postal: O Carballiño 32500.
4º. Lugar: Rexistro Xeral do Concello.
5º. Horario: das 9.00 ás 13.30 horas, de luns a venres; se o último día do prazo de presentación é festivo, entenderase prorrogado o prazo ata o día seguinte hábil.
10. Apertura das ofertas:
a) Entidade: Concello do Carballiño.
b) Domicilio: Praza Maior, 1.
c) Localidade: O Carballiño.
d) Data: o seguinte día hábil, logo da terminación do prazo de presentación de proposicións, se non existen deficiencias que corrixir, ás 12.00 horas.
11. Requisitos específicos do contratista:
Os licitadores terán que ser necesariamente entidades aseguradoras. As entidades españolas deberán acreditar a obtención de autorización administrativa a que fai referencia o artigo 5 do Real decreto lexislativo 6/2004, do 29 de outubro, polo que se aproba o texto refundido da Lei de ordenación e supervisión de seguros privados, mediante certificación de estar inscritas no Rexistro Administrativo de Entidades Aseguradoras levado pola Dirección Xeral de Seguros e Fondos de Pensións, así como estar autorizadas para operar nos ramos obxecto desta contratación.
As entidades aseguradoras domiciliadas en países membros do Espazo Económico Europeo distinto de España que obtivesen a autorización para operar no Estado membro de orixe deberán presentar certificación da toma de razón da entidade no rexistro administrativo a que fai referencia o parágrafo anterior.
12. Outras informacións: véxanse os pregos de cláusulas administrativas.
13. Gastos de anuncios: serán por conta do adxudicatario.
14. Perfil do contratante onde figuran as informacións relativas á convocatoria e onde se poden obter os pregos: www.carballino.org .
O Carballiño, 18 de marzo de 2015
Argimiro Marnotes Fernández
Alcalde