En cumprimento do artigo 154 do Real decreto lexislativo 3/2011, do 14 de novembro, polo que se aproba o texto refundido da Lei de contratos do sector público, faise pública a formalización dos contratos que se relaciona a seguir:
1. Entidade adxudicadora: Consellería de Traballo e Benestar.
a) Dependencia que tramita o expediente: Secretaría Xeral Técnica.
b) Enderezo na internet do perfil do contratante: http://www.contratosdegalicia.es
2. Obxecto do contrato:
a) Tipo de contrato: servizo.
b) Descrición do obxecto: servizo, por lotes, para a realización de accións formativas para o Centro de Novas Tecnoloxías de Galicia.
c) Tipo de fondo: as actividades obxecto desta contratación están cofinanciadas polo Fondo Social Europeo e pola Administración do Estado, dentro do Programa operativo de adaptabilidade e emprego 2007ESOUPO001, período de programación 2007-2013.
3. Tramitación e procedemento: tramitación ordinaria, documentalmente simplificada e procedemento aberto.
4. Orzamento base de licitación: oitenta e oito mil cen euros (88.100 €). Este importe está exento do IVE, de acordo co artigo 20 da Lei 37/1992, do 28 de decembro, do imposto sobre o valor engadido, é con cargo á anualidade 2015 e distribuído nos seguintes lotes:
|
Lote |
Obxecto |
Importe |
|
1 |
Accións formativas relacionadas coa tecnoloxía Oracle |
64.800 € |
|
2 |
Accións formativas para o desenvolvemento de aplicacións móbiles sobre iOS |
23.300 € |
5. Adxudicación e formalización dos contratos:
Lote 1: accións formativas relacionadas coa tecnoloxía Oracle.
a) Data de adxudicación: 27 de febreiro de 2015.
b) Empresa adxudicataria: Oracle Ibérica, S.R.L.
c) Importe: sesenta e catro mil setecentos setenta e seis con noventa e sete euros (64.776,97 €), exento de IVE, de acordo co artigo 20 da Lei 37/1992, do 28 de decembro, do imposto sobre o valor engadido, con cargo á anualidade de 2015.
d) Nacionalidade da contratista: española.
e) Data de formalización do contrato: 4 de marzo de 2015.
Lote 2: accións formativas para o desenvolvemento de aplicacións móbiles sobre iOS.
a) Data de adxudicación: 27 de febreiro de 2015.
b) Empresa adxudicataria: Core Networks, S.L.
c) Importe: vinte e tres mil douscentos euros (23.200 €), exento de IVE, de acordo co artigo 20 da Lei 37/1992, do 28 de decembro, do imposto sobre o valor engadido, con cargo á anualidade de 2015.
d) Nacionalidade do contratista: española
e) Data de formalización do contrato: 4 de marzo de 2015.
Santiago de Compostela, 24 de marzo de 2015
María Jesús Lorenzana Somoza
Secretaria xeral técnica da Consellería de Traballo e Benestar