A Real Academia Galega de Belas Artes anuncia a provisión de cinco vacantes de académica/o de número: unha na Sección de Pintura, unha na Sección de Escultura, unha na Sección de Música, unha na Sección de Expertos nas Artes e unha na Sección de Artes da Imaxe. Para ocupar unha destas prazas será elixida unha persoa residente en Galicia que dese a coñecer o seu mérito con obras orixinais da arte que profese, ou autora de estudos sobre as mesmas especialidades.
Anúnciase tamén a provisión de tres vacantes de académica/o correspondente, ás cales se poden presentar persoas que, calquera que sexa a súa residencia, sexan acredoras desta distinción, polo mérito dos seus traballos artísticos ou de investigación, ou obxecto de intercambio con outras academias; valorarase, en todo caso, a súa vinculación con Galicia.
As persoas que polas súas actividades a prol das artes se consideren en posesión das condicións exixidas para aspirar a estas prazas, deberán acreditar os seus méritos mediante a presentación do seu respectivo currículum vítae e terán que ser propostas, cada unha delas, por tres académicos de número da Real Academia Galega de Belas Artes, dentro do prazo dun mes a partir da publicación deste anuncio.
Enderezo da Academia: praza do Pintor Álvarez de Sotomayor 1, 15001 A Coruña.
A Coruña, 4 de marzo de 2015
Manuel Quintana Martelo
Presidente