Para os efectos previstos na Lei 16/2002, do 1 de xullo, de prevención e control integrados da contaminación (BOE nº 157, do 2 de xullo) e no Real decreto 815/2013, do 18 de outubro, polo que se aproba o Regulamento de emisións industriais e de desenvolvemento da Lei 16/2002 (BOE nº 251, do 19 de outubro) faise público que por espazo de trinta (30) días hábiles, contados a partir do seguinte ao da publicación deste anuncio no Diario Oficial de Galicia, quedará exposta a seguinte documentación:
– «Proxecto básico e estudo de impacto ambiental simplificado de instalación dunha caldeira de xeración de vapor alimentada con esterco de ave. Marzo 2015».
– «Proxecto: instalación dun xerador de vapor. Xullo 2014».
Co fin de que calquera interesado poida consultala e, se é o caso, formular no dito prazo as alegacións, suxestións ou observacións que considere convenientes. Os citados documentos estarán á disposición dos administrados, en horario de atención ao público, nas seguintes dependencias:
– Secretaría Xeral de Calidade e Avaliación Ambiental-Servizo de Prevención e Control Integrados da Contaminación (r/ San Lázaro, s/n, 15781 Santiago de Compostela).
Ademais, poderán consultala na páxina web da Consellería de Medio Ambiente, Territorio e Infraestruturas (http://www.cmati.xunta.es/ >>medio ambiente e sostibilidade >>prevención e control de actividades >>autorización ambiental integrada >>proxectos en información pública).
Santiago de Compostela, 18 de marzo de 2015
Justo de Benito Basanta
Secretario xeral de Calidade e Avaliación Ambiental
ANEXO
Memoria resumo
Nº de rexistro da autorización ambiental integrada: 2007/0081_NAA/IPPC_143.
Clave do expediente de modificación: 2013-IPPC-M-93.
Peticionaria: Cooperativas Orensanas, S.C.G.
Domicilio social e localización da instalación: Centro de Procesado Avícola (CPA), 32990 Santa Cruz de Arrabaldo, Ourense.
Descrición do proxecto: o proxecto consiste na instalación, no CPA do grupo Coren (ao que corresponde a autorización ambiental integrada co nº de rexistro 2007/0081_NAA/IPPC_143), dunha caldeira de xeración de vapor que empregará como combustible galiñaza procedente das granxas do grupo.
As actuacións comprenderán basicamente a construción dunha sala de caldeiras e un almacén de combustible formado por dous silos enterrados, que ocuparán unha superficie total de 405 m2. A caldeira terá unha produción de vapor de 4.000 kg/h a 12 bares de presión. O vapor xerado subministrarase aos diferentes procesos do CPA.
O titular declara que o proxecto non implica a xeración de verteduras adicionais diferentes ás xa xeradas no CPA.