Para os efectos previstos na Lei 24/2013, do 26 de decembro, do sector eléctrico, e no artigo 125 do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización da instalación eléctrica que se describe:

Solicitante: Unión Fenosa Distribución, S.A.

Domicilio social: travesía de Vigo, 204, 36207 Vigo.

Denominación: LMTS e CS complexo deportivo Navia.

Situación: Vigo.

Descricións técnicas: LMT subterránea a 15 kV con condutor RHZ de 18 metros de lonxitude, con orixe e final na LMT BAL 731, unha vez que entre e saia do CS proxectado complexo deportivo Navia. Centro de seccionamento, con celas prefabricadas baixo envolvente metálica, situado na rúa Lamela, Navia, Vigo.

Todas aquelas persoas ou entidades que se consideren afectadas poderán presentar as súas alegacións nesta xefatura territorial; Edificio Administrativo na avda. Fernández Ladreda, 43, 5º no prazo de vinte días. Así mesmo, e durante o mencionado prazo, tamén se poderá examinar o proxecto da instalación.

Pontevedra, 2 de marzo de 2015

Ignacio Rial Santomé
Xefe territorial de Pontevedra