Para os efectos previstos na Lei 24/2013, do 26 de decembro, do sector eléctrico, e no artigo 125 do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización da instalación eléctrica que se describe:

Solicitante: Unión Fenosa Distribución, S.A.

Domicilio social: travesía de Vigo, 204, 36207 Vigo.

Denominación: LMTS, CS Novo Hospital Vigo-subministración principal.

Situación: Vigo.

Características técnicas: LMT subterránea a 15 kV con condutor RHZ1 de 316 metros de lonxitude, con orixe no punto de acceso existente na LMTS que vén da subestación Valadares e final no CS proxectado subministración principal. Centro de seccionamento 4L, con celas modulares con corte en SF6, situado no Novo Hospital de Vigo.

Todas aquelas persoas ou entidades que se consideren afectadas poderán presentar as súas alegacións nesta xefatura territorial; Edificio Administrativo avenida Fernández Ladreda 43, 5º, no prazo de vinte días. Así mesmo, e durante o mencionado prazo, tamén se poderá examinar o proxecto da instalación.

Pontevedra, 10 de marzo de 2015

Ignacio Rial Santomé
Xefe territorial de Pontevedra