Para os efectos previstos no artigo 36 da Lei 21/2013, do 9 de decembro (BOE núm. 296, do 11 de decembro), de avaliación ambiental e, así mesmo, no artigo 21 da Lei 3/2008, do 23 de maio, de ordenación da minaría de Galicia (DOG núm. 109, do 6 de xuño) esta xefatura territorial,
RESOLVE:
Someter a información pública, durante un prazo de 30 días hábiles, o proxecto de explotación, o estudo de impacto ambiental e o plan de restauración da solicitude de concesión de explotación derivada do permiso de investigación que a seguir se describe:
Solicitante: Ingemarga, S.A.
Domicilio social: estrada do Campamento Militar de Parga, 27305, Guitiriz.
Nome: San Antonio V fracción 8.
Número: 5736.8.
Situación: concellos de Guitiriz e Friol.
Cuadrículas mineiras: seis (6).
Recurso: granito.
A designación do terreo é a seguinte:
|
Vértice |
Lonxitude |
Latitude |
|
1 |
7º 52’ 40” |
43º 08’ 00” |
|
2 |
7º 52’ 20” |
43º 08’ 00” |
|
3 |
7º 52’ 20” |
43º 07’ 40” |
|
4 |
7º 51’ 40” |
43º 07’ 40” |
|
5 |
7º 51’ 40” |
43º 07’ 00” |
|
6 |
7º 52’ 20” |
43º 07’ 00” |
|
7 |
7º 52’ 20” |
43º 07’ 20” |
|
8 |
7º 52’ 40” |
43º 07’ 20” |
Durante o prazo indicado aquelas persoas ou entidades que se consideren afectadas polo citado proxecto poderán consultalo nas dependencias do Servizo de Enerxía e Minas desta xefatura territorial, nos concellos de Friol e Guitiriz e no portal da Consellería de Economía e Industria (http://economiaeindustria.xunta.es/expediente-explotacions-mineiras) e formular as súas alegacións perante este órgano administrativo, con enderezo na rolda de la Muralla, 70, 27071 Lugo, presentándoas en calquera das oficinas previstas no artigo 38.4 da Lei 30/1992, do 26 de novembro, de réxime xurídico das administracións públicas e do procedemento administrativo común.
Transcorrido o período de información pública proseguirase coa tramitación da avaliación de impacto ambiental ordinaria prevista na Lei 21/2013, do 9 de decembro, a que está sometido o presente proxecto, cuxa autorización administrativa compete, como órgano substantivo, á Consellería de Economía e Industria conforme o establecido na Lei 3/2008, do 23 de maio.
Lugo, 22 de xaneiro de 2015
Pilar Fernández López
Xefa territorial de Lugo